NIMERO YA BOYEKOLI

MASOLO YA BOYEKOLI

▪ Mpo na baoyo balingaka Yehova, ‘eloko ya kobɛtisa libaku ezali te’

Bakristo nyonso bazali na momekano ya mbangu mpo na kozwa libonza ya bomoi ya seko. Kasi lokola tosangolá lisumu, biso nyonso tobɛtaka mabaku. Lisolo oyo ekosalisa biso tóyeba makambo mitano oyo ekoki kobɛtisa biso libaku, mpe ekolimbola nini tokoki kosala mpo tótika te ete yango epekisa biso tólonga na momekano yango.

▪ Ozali na ‘motema moko mpo na koyeba’ Yehova?

Mokanda ya Yirimia ezali na makambo mingi ya koteya biso mpo na motema. Lisolo oyo ekosalisa biso tóyeba soki ‘motema oyo ekatami ngenga te’ ezali nini, mpe ndenge nini motema ya ndenge wana ekoki kozala likama ata mpo na bakristo. Ekosalisa mpe biso tóyeba ndenge nini tokoki kozala na ‘motema mpo na koyeba’ Yehova.​—Yir. 9:26; 24:7.

▪ Lokola “boyebi Nzambe,” etikali nini?

Matambe nini moto asengeli kosala mpo ayeba Nzambe mpe Nzambe ayeba ye? Ndenge nini mpe mpo na nini mokristo akobaka kokola ata nsima ya kokɔmɛla na elimo? Lisolo oyo ekosalisa yo oyanola na mituna wana.

▪ Yehova azali esika na biso ya kofanda

Tofandi na mokili oyo ezali esika ya malamu te mpo na basaleli ya Nzambe; atako bongo, tosengeli kobanga te. Lisolo oyo emonisi ete Yehova Nzambe na biso azali esika ya malamu koleka oyo tokoki kofanda na kimya.

▪ Kumisá nkombo monene ya Yehova

Kozala moko ya bato oyo babengami na nkombo ya Nzambe elimboli nini? Kotambola na nkombo yango elimboli nini? Mpe ndenge nini Nzambe atalelaka bato oyo bamemyaka nkombo na ye te? Lisolo oyo epesi biyano na mituna wana.