Nimero ya boyekoli

NTINA YA MASOLO YA BOYEKOLI

LISOLO YA BOYEKOLI 1 NKASA 3-7

Davidi, mokonzi ya Yisraele, azalaki kozwa nkombo ya Yehova mpe mokano na ye na motuya mingi. Azalaki mpe koluka koyeba mitinda oyo esimbi Mibeko ya Nzambe mpe abondelaki Yehova ateya ye ayeba kosala mokano na ye, ndenge lisolo oyo emonisi yango. Lisolo yango ekosalisa mpe biso tóyeba mpo na nini tosengeli ntango nyonso kotalela makambo ndenge oyo Yehova atalelaka yango.

MASOLO YA BOYEKOLI 2, 3 NKASA 10-19

Lokola bakristo ya solo bazali bayekoli ya Yesu, bayebi ete basengeli kozala na komikitisa. Lisolo ya liboso elobeli ndakisa ya komikitisa oyo Yesu apesaki mpo ete tólanda matambe na ye malamumalamu. Lisolo ya mibale elobeli ndenge oyo tokoki kolona ezaleli ya moto oyo azali mpenza moke mpe komonisa ezaleli yango na bomoi na biso.

MASOLO YA BOYEKOLI 4, 5 NKASA 21-30

Masolo yango ekosalisa biso tómona ete Yehova andimaka kolimbisa ata masumu ya minene. Ezali solo ete na bantango mosusu, ekoki kozala mpasi tóndima kolimbisa moto oyo asali biso mabe. Kasi, mitinda ya Biblia ekoki kosalisa biso tóboya kobomba nkanda na motema mpe tóndima kolimbisa.