Yesu apesaki bomoi na ye mpo na bato mingi

Yesu Kristo ayebisaki bayekoli na ye ete ayaki awa na mabele, “mpo básalela ye te, kasi mpo na kosalela mpe kopesa molimo na ye lisiko na esika ya bato mingi.” (Matai 20:28) Andimaki kopesa bomoi na ye mpo na bolamu ya basusu.

Ndenge nini Yesu apesaki lisiko na nzela ya liwa na ye? Mpo na nini ezalaki na ntina? Yesu apesaki bomoi na ye mpo na nani? Mpe liwa na ye ekoki kozala na litomba nini mpo na yo?

Batatoli ya Yehova bazali na esengo ya kobenga yo oya koyangana na bango mpo na koluka biyano oyo Biblia epesi na mituna yango. Mbula oyo, anivɛrsɛrɛ ya liwa ya Yesu ekwei na mokolo ya mibale, 30 Marsi, nsima ya kolala ya moi. Na molulu yango, bakopesa biyano ya Biblia na mituna oyo totuni na likoló.

Okoki kokende na Ndako ya Bokonzi oyo ezali pembeni na bino. Tosɛngi yo otuna Batatoli ya Yehova ya esika oyo ofandi báyebisa yo ngonga mpe esika oyo molulu yango ekosalema.