Tozali kobyanga yo

Esili lelo koleka mbula 1 900, liwa ya moto Yesu Klisto ezali likambo moko ya ntina mingi koleka kati na lisoló ya bato. Yango efungoleli bato elikya ya kozala na bomoi ya seko kati na paladiso awa na mabelé. Na boumeli ya molulu moko mozangi mindɔndɔ́, Yesu asalelaki limpa lizangi mfulu mpe vinyo lokola elilingi ya mbeka ya bomoto na ye oyo epesami na bolingo nyonso. Na nsima alobaki na bayekoli na ye ete: “bosalaka boye mpo na kokanisa ngai.” (Luka 22:19) Okokanisa likambo wana ya ntina mingi? batatoli ya yehova bazali kobyanga yo na esengo nyonso na kosangana elongo na bango mpo na kokumisa ekaniseli yango. Ekosalema nsima na kolala ya moi na dati oyo ekokani na 14 nisan ya manáka ya biblia. Okoki koyangana na ndako ya bokonzi oyo ezali pene na esika efandi yo. Luká kozwa bandimbola na lisangá ya batatoli ya yehova epai ozali kofanda mpo na koyeba ngonga mpe esika ya sikisiki yango ekosalema. Na 1995, ekaniseli ekosalema na mwamitano 14 apríli.