“Oyo ezali ndako na yo”

OYO ezali ndako na yo​—toyeisi yango monene.” Yango nde maloba elobamaki na mokuse mpo na komonisa mayoki ya bato oyo balekisaki mbula mibale mpo na kosala na molende na filiale ya la Société Watch Tower kuna na Australie! Maloba yango malobamaki epai na Jéhovah Nzambe mazwamaki na loyembo moko oyo babongisaki bobele mpo na libaku wana. Libaku nini? Kofungolama na bandako ya sika oyo ebakisamaki na bandako ya Béthel mpe na imprimerie ya Australie.

Koyeisa yango monene bobele sikawa?

Likambo ya kokamwisa ezali ete na mbula soko nsambo liboso, bafungolaki béthel ya sika oyo eutaki kotongama na lngleburn, na eteni ya mokili ya sud-ouest ya Sydney. Mpo na nini emonanaki malamu ete bayeisa yango monene?

Epai moko, motuya ya Batemwe na Australie oyo ezalaki na nse ya 32 000 na 1981 ebakisamaki kino kokoma na motuya ya 51 152 na Octobre 1989, bokoli oyo esengaki kobakisama ya basali na Béthel. Epai mosusu, boike ya mikanda oyo Australie ezali kotinda na ba filiales mosusu ekolaki na lolenge moko ya kokamwa. Sikawa, Australie ezali kobimisa mikanda na minoko 37 mpo na kokokisa mposa ya bato na bisangá ya Fedji, ya indonésie, ya Pupouasi-Nouvelle-Guinée, ya Nouvelle-Calédonie, ya Nouvelle-Zélande, bisangá ya Salomon, ya Tahiti, ya Vanuatu, ya Niue, ya Samoa occidentales, ya Tonga, mposa ya Tuvalu, ya esangá ya Wallis, mpe ya Australie yango moko. Mpo na yango, libota ya Béthel ekolaki noki mpe sikawa ezali na basangani 164.

Mpo na kokokisa mposa ya libota oyo ezali ntango nyonso kokola, uta 1987 ndako ya sika ya etáláká (étages) mibale mpo na babiro esilaki kotongama, na kotikaka bongo ntáká mosusu oyo ekokaki kotongama. Nsima collége central epesaki nzela mpo na kobakisa imprimérie na nivó ya misato mpe kotonga ndako ya kolaka oyo na etáláká (étages) minei. Na Janvier 1988, misala mibandaki mpo na koyeisa imprimérie monene, basengelaki kobakisa lisusu ntáká na mabelé oyo ezalaki na 3 600 métres carrées. Mwa basanza nsima, botongi ya ndako ya kolala ebandaki, oyo ekokaki kozala na 51 chambres lisusu.

Elimo ya komipesa mpe makabo ya bolingo

Epai na masangá nyonso ya mboka mikanda mitindamaki mpo na kosenga bavolontere oyo bakokaki kosangana na “équipe ya kotonga” mpo na boumeli ya mbula mibale soki likoki ezali. Mikanda mpo na koyanola na libyangami misopanaki, mpe bavolontere oyo bayebi misala ndenge na ndenge bamipesaki na motema moko. Ba demandes koleka 700 ya moto na moto ekomaki, mpe, na boumeli ya mosala na kotonga, bavolontere 270 bayaki kosala na chantier na boumeli ya poso mibale kino mbala mosusu mbula mibale.

Temwe moko azalaki mosangani na bankolo kompanyi ya kobongisa mabelé na nord ya Queensland. Atekaki biloko na ye oyo bizalaki kati na kompanyi, mpe ye na mwasi na ye bakomaki basangani na équipe ya kotonga uta kosalama na yango. Asombaki masini ya kotimola mabelé mpe asalaki mosala monene na ntina na kobongisa to kolalisa mabelé oyo la Société abimiselaki mosolo te. Ntango mosala wana monene esilaki, atekaki masini yango mpe atikalaki mpo na kosala misala mosusu ya kotonga. Wana ezali bobele ndakisa ya komipesa na kokamwisa oyo bato nyonso bamonisaki na boumeli ya mosala na chantier.

Batemwe badefisaki na la Société ba camions-toupies mpo na kobimisa 3 300 métres cubes ya béton oyo esalelamaki mpo na kotonga ndako nyonso mibale. Bamosusu bapesaki makabo ya biloko ya mosala oyo esalelamaki mpo na kotonga bibombelo misato ya mai etongami na béton, oyo mokomoko na yango ekokaki kobomba 22 000 litres ya mai. yango etongamaki na Batemwe oyo basalaka na imprimerie, nsima na ngonga na bango ya mosala.

Ya solo, bavolontere nyonso bazalaki bato oyo bayekoli misala na bomoi na bango te. Na yango, bilenge mingi bayekolaki misala bobele na esika wana. Mingi bakomaki batongi ndako ya malamu mpenza na ndenge bapesaki maboko mpo na kokangisa biliki ebele oyo esalelamaki mpo na kotonga ndako yango. Bamosusu bayekolaki ndenge ya kotya ba carreaux na bitutu to na mabelé kati na ndako, mpe na boumeli ya mwa baposo ndeko mwasi moko akomaki na mayele mingi mpo na kotya papier peint na mur.

Mokolo ya bofungoli

Mokolo na poso le 25 Novembre 1989, mokolo ya bofungoli, ezalaki mokolo moko kitoko na nsuka ya printemps, likoló ezalaki polele mpe moi ezalaki kongala Etage ya yambo na ndako oyo ya sika ya imprimerie oyo bayeisaki monene ebongisamaki mpo ezala salle principale epai kuna diskur ya bofungoli esalemaki. Bato oyo bazalaki na ba étages mosusu mibale ye imprimerie mpe na étage ye expédition, lisusu na salle ya makita mpe na salle ya kolya ya Béthel balandaki programme yango na nzela ya télévizió oyo ezalaki kolakisa manso mazalaki koleka na salle monene. Yango epesaki nzela na bato koleka 3 000 bakoka kofanda malamu na kati.

Lokola bisika ya kofanda ezalaki moke, bobele baoyo bazwaki batisimo esili koleka mbula pene na 40 nde babengisamaki, elongo na libota ya Béthel mpe équipe ya kotonga. Mwa biloko ya mikemike mpo na kolya na ntongo ezalaki, mpe na midi bilei ebongisamaki. Na ngonga ya 9 heures ya ntongo réunion ya nsuka na mbula ya la Société Watchtower ya Australie esalamaki, mpe esangisaki bayangani 21 ya Association. Nsima wana, engebene mobeko, makambo makeseni oyo mazali kotalela Leta mpe la société mabongisamaki, basengaki na bayangani mosusu bakoka kosangana na likita yango mpe bango nyonso balandaki na esengo diskur oyo epesamaki na Theodore Jaracz, mosangani ya college central.

Na 13h45, minite zomi na mitano ya koyoka Mélodies du Royaume akotisaki maloba ya ebandeli ya programme ya bofungoli. Bayangani basepelaki koyoka rapport, masolo mikemike ya kosepelisa, makambo bandeko mosusu bamonaki na bomoi na bango mpe maloba ya basangani misato ya collége central baoyo bazalaki wana. Kati na bango, carey Barber mpe Daniel Sydlik ezalaki mbala ya liboso ya kokoma na mboka oyo mosika. carey Barber apesaki lisolo oyo ezalaki na motó na likambo “Kobuka mbuma ezali nsuka na eleko”, wana Daniel Sydlik apesaki lisolo oyo ezalaki na motó na likambo “Esengo ezali na libota oyo Jéhovah azali Nzambe na bango”. Theodore Jaracz, oyo ayaki kotala filiale lokola mokengeli ya zone, apesaki diskur ya bofungoli.

Moko na bantango ya programme oyo esepelisaki ezalaki loyembo ya ba couplets minei oyo eyembamaki liboso na diskur ya bofungoli Yango ezwami na maloba mazali kati na Yisaya 60:22, mpe ezalaki na motó na likambo “Oyo moke akokoma nkoto”. Nzembo yango ezalaki mpo na kotonda Jéhovah na ndenge apesaki epai na bavolontere mingi libaku ya koyeisa monene ‘ndako na ye’ na eteni oyo ya mokili.

lmprimerie ya la Société Watch Tower na ingleburn, na mokili ya Australie eyeisami lisusu monene.

[Bililingi na lokasa 15]

c. Barber

T. Jaracz

D. Sydlik