Ozali komisambela yo moko?

Kozanga koyeba yango, bato mosusu bazali komikumisa biloko ya losambo. Ezali yango nde Biblia ezali kolimbola na Baefese 5:5, epai kuna tozali kotanga boye ete: “Boyeba likambo oyo solo solo ete, moto na pite te mpe moto na bosoto te mpe moto na elulela te ye mosambeli na bikeko—​azali na libula kati na bokonzi na Klisto mpe na Nzambe.” (Bakolose 3:5; tala Bagalatia 5:19-21). Bamosusu bazali kotika mposa na bango ya mosuni kokabola bango na Nzambe. Ntoma Paulo alobi mpo na bato yango ete “nzambe na bango bobele libumu na bango’’. (Bafilipi 3:18, 19.) Elingi koloba, bazali kosambela “nzambe ” mosusu kasi Jéhovah te na kotiaka esika ya liboso mposa na bango ya mosuni. Ezalela motindo wana ekoki kozangisa bango Bokonzi na Nzambe. (1 Bakolinti 6:9, 10 Na yango tozali na ntina nyonso mpo ete tolanda toli oyo na ntoma Paulo: “Boye balingami na ngai, bokima losambo na bikeko.”​—1 Bakolinti 10:14.