Tóyika mpiko tii na nsuka

1. Kanisá bilak’a Nzambe,

Epesa yo mpiko.

Matey’a Nzambe na biso

Ezali mpenza solo.

Kangamá na yango mpenza

Mpo nsuka eza’ koya.

Ata mpasi, zalá sembo,

Yehova aza’ na yo.

2. Kobungisa te bolingo

Na yo ya liboso.

Atako mpasi ezwi yo

Kangá kaka motema.

At’omekami makasi,

Kosila mayele te.

Yehova akotɛlɛma

Pene mpo asunga yo.

3. Baoyo bayiki mpiko,

Bango bakobika.

Nzambe akokoma bango

Na buku n’e ya bomoi.

Yango wana, yiká mpiko;

Kolɛmba na nzela te.

Nzambe akozala na yo

Mpe akopambola yo.