ETENI 7

Yesu azalaki nani?

Yehova atindaki Yesu awa na mabele. 1 Yoane 4:9

Na likoló Yesu azali na lobɔkɔ ya mobali ya Nzambe

Soki tolingi kosepelisa Yehova, tosengeli koyoka moto mosusu ya ntina mingi. Bambula mingi liboso asala Adama, Yehova asalaki ekelamu moko ya elimo ya nguya kuna na likoló.

Maria ntango azali na zemi mpe nsima ya kobotama ya Yesu

Na nsima, Yehova atindaki ye aya kobotama na Beteleme epai ya Maria, mwasi moko oyo ayebaki naino mibali te. Bapesaki mwana yango nkombo Yesu.—Yoane 6:38.

Yesu azali koteya basusu makambo etali Yehova

Ntango azalaki awa na mabele, Yesu amonisaki na ndenge ya kokoka bizaleli ya Nzambe. Azalaki na boboto, bolingo, mpe bato bazalaki kobanga kosolola na ye te. Kozanga kobanga, ateyaki basusu solo na oyo etali Yehova.

Yesu asalaki makambo ya malamu, kasi bato bayinaki ye. 1 Petro 2:21-24

Yesu asekwisi mwana mwasi moko oyo akufaki mpe abikisi mobali moko oyo azalaki kobɛla

Bakonzi ya mangomba bayinaki Yesu mpo amonisaki polele mateya na bango ya lokuta mpe misala na bango ya mabe.

Yesu abikisaki mpe bato ya maladi, asekwisaki mpe bato mosusu oyo bakufaki.

Bakonzi ya mangomba bandimisaki Baroma mpo bábɛta Yesu mpe báboma ye.