Mwasa walembile Solomula, unothonyi-edha vinaireele rumiwi uliwethene wa Yohova. Liye unooda irana yodawa ilukulu noonanga ira viireile “mo-odedi-edhela.” Venango unooda onganga ira “ndi vyongo vyo-odedi-edhela vite ireya wene baa-i.” Mbwenye athuulela pama viireilevyo, unooda fwanya ira vatokala vyongo vinango vyairile liye mo-othuulela pama viiri-idhe ira aire vyodawavyo. Vyongovi vinooda thangani-avo vyosangalali-a vyo-ofwanelela, waredha naatu amakalelo othakala, fwanyeya mumamburo okaikeli-a ninga avaiternetini na mamburo enango owaredhela. Pyooneelatu thitho ira venango atoo-iya lobela, leri Bibilya, fwanyeya vamigumanoni yapingo venango laba basa yolaleela. Ee-no molandana na zombwe uongiwile mu bukhu la Sanganiko, yodawayee kinakale yoi vite ireya mo-odedi-edhela. N’nga ninofunjedhavo n’ni? Ninofunjedhavo ira kaninofwanela rambelanga yodawa baa-i, mbwenye ninofwanela rambelanga thitho vyongo vinairi-e ira niire vyodawavyo. Solomu atoovwei-a pama likhundo leli.—Mat. 5:29, 30. w24.07 16 ¶10-11

N’nga fuma yen’na chini? Ndi basa yolaleela vya Umwene yeniyo ili yovulumucha vingumi. (2 Ak. 4:1) N’nga viya vyaulongo chini? Vinoimelela arumiwi a Nlungu enao anowandela atu enango milanyu yapama. Muhora ya Paulo, alimbo ira goso tanoo-indi-edha basa mino ya ulongo votukulelamo vyongo vyofuneya ninga vyodya, vinyu na kobiri. Molandana na vyevi, Yohova utoniva-a milanyu yapama yapereso yavadhulu. Mokami-iwa na Yohova ninooda fwanya kopolo dhinofuneela i-yo ira nidhowenave laleela milanyu yapama mororomeleya. Hora dhinango ninooda ovanga atu venango ova ira anokonda milanyu inolaleela i-yo. N’nga ninalimbanena a-vi yorucha yei? Kathuulelani lobelo laongile arumiwi tangawandeliwile ira ta-iyachi laleela. Malo moova no-iyachi laleela, aliwa tatoolobela wa Yohova ira aakami-e dhowanave onga molimba rima. Yohova atoowakula lobelolo vahora yeniyo. (May. 4:18, 29, 31) Mum’vepenga Yohova ira aukami-eni dhowanave dhiveliwana maningi atu thitho ira mwa-aovenga awandela milanyu yapama. w24.04 16 ¶8-9

M’dhiveliwana Yohova unonilimbi-a ira nicheni-enga dhinalee. Vyevi vinothapulela ira ninofunechecha wandela atu enango ira vyongo vyothakala vinoonga Satana vyokuza Yohova kai vyaimbarimbari. (Mar. 3:1-5; Yob. 2:4; Ju. 8:44) Nalaleelanga ninofunechecha wandela atu othene enao anavuruwane imbarimbari yoonga vya Yohova. Ninofuna ira mutu uliwethene aidhiwe ira kalelolee nlukulu ndi udhivela, unotonga molongomana thitho ira vachineneeva Umwenee unodha mali-a nyarwa dhothene nodhi-a rendele na imwerumweru waatu. (Sal. 37:10, 11, 29; 1 Ju. 4:8) Nawandelanga atu vyokuza Yohova, ninokala nicheni-anga dhinalee. Ninokala osangalala namwasa oi ninoidhiwa ira ninoira vyongo movwelana na dhina li-u. w24.05 18 ¶12