8-14 WA JUNHO WA 2026
NYUMBO 8 Yehova ndi pothawirapo pathu
“Hora dhothene” Nlungu waimbarimbari unokwakwaneli-edha vilanyedhile liye
“Mutondiombola nyo Yohova Nlungu waimbarimbari.”—SAL. 31:5.
VINOFUNA I-YO FUNJEDHA
Muyofunjedha yei, ninoona mwasee unoniiri-a roromela maningi Yohova ira unodha kwakwaneli-edha vyongo vilanyedhile liye thitho ira vachineneeva, Umwene wa Nlungu unodha mali-a vyonama na vyainyengo vyothene.
1. Movwelana na Salimo 31:2-5, mwasiwa ngwan’ni ninom’roromela Yohova?
NINOKALA muilambo yoi, inotongiwa na Satana thitho atu anjinji mbonama, ainyengo thitho o-ororomeleya. Vyevi vinoiri-a ira vikalenga vyorucha waatu idhiwa unofwanela aliwa m’roromela. Atu anjinji anoira vyamalonda mbainyengo thitho mbo-ororomeleya. Vofuna kopa atu, alimbo guli-a malonda anoonga vyonama vyokuza malondiwa naifunelo yoi taguliwenga. Mbwenye atu anjinji tato-iya roromela afwiwa namwasa oi katinoirana vyongo vinolanyedha aliwa. Ee-no, pyolimbi-a maningi idhiwa ira ninooda m’roromela Yohova hora dhothene. Liye ndi “Nlungu waimbarimbari.” (Muleri Salimo 31:2-5.) Yohova kanonama, hora dhothene unoonga imbarimbari. Munooda m’nyindela namwasa oi unokwakwaneli-edha vyongo vyothene vinoonga liye.
2. N’nga ninotapanyan’ni muyofunjedha yei?
2 Muyofunjedha yei, yoroma ninotapanya vyongo vinoniiri-a ira niroromelenga maningi Yohova na rimi-u othene. Thitho ninotapanya vinaire Nlungu waimbarimbari ira anonge ilambo ya Satanila, na vinoira liye va-eeni ira akwakwaneli-edhe ifunelwee. Vyevi vinonikami-a ira niwandelenga atu enango vyokuza Yohova molimba rima thitho mo-oova.
MWASIWA NGWAN’NI NINOROROMELA NLUNGU WAIMBARIMBARI?
3. Mwasiwa ngwan’ni ninofwanela m’roromela maningi Yohova?
3 Ninororomela Yohova namwasa oi ndi Namapanducha. Liye atoopanducha dhulu na ilambo yavathi thitho ndi timwati la ingumi. (Maro 1:1; Sal 36:9; Apok. 4:11) Liye atoopanducha ilambo mundhila yoi vyongo vyaingumi vidhowenave kalao. Yohova utokaana kopolo yotonga vyopanduchiwa vyothene. Ee-no ninofwanela m’nyindela ira anisogolelenga vaingumi-u ira nika-ena sogolo lapama.
4. N’nga ninoidhiwa a-vi ira Yohova unonidhiveliwana?
4 Ninororomela Yohova namwasa oi unonidhiveliwana. Yohova atoopanducha atu naifunelo yoi tasangalalenga na ingumi ninga munoirela liye. Voonga vyaifunelwee Yohova aongile ira: “Dhoweni nipanduche mutu muifwanafwani-o yi-u ira akale ofwanafwana na i-yo.” (Maro 1:26) Yohova atooniva-a ufulu osakula vyoira. Liye atoopanducha ilambo yobaleila ira nikalengamo. (Sal. 115:16) Liye thitho atooraeli-a anamabali-u oroma voava-a basa yosangalali-a ira ilambwila ikale paradaizo. (Maro 1:28; 2:15) Yohova atoo-ela vyongo vyo-iyana-iyana vailambwila ira aliwa tasangalalenga. Mwaimbarimbari vyairile liyevi vinothonyi-edha ira “Yohova unonidhiveliwana maningi thitho unodha dhowanave nithonyi-edha udhivelee ororomeleya modhowa nodhowa.”—Sal. 103:17.
5. (a) N’nga Yohova airilen’ni vofuna kwakwaneli-edha ifunelwee angalive ira Satana anoofunechecha nonga banja loroma? (b) N’nga ndi vyolanyedha vinango viivi vyakwakwaneli-edhe Nlungu? (Muone kwadru loi “Nlungu ukhadhi aonganga imbarimbari romela wale.”)
5 Ninororomela Yohova namwasa oi unokwakwaneli-edha vyongo vilanyedhile liye. Yohova kapanduchile ilambwila “vo-okaana ifunelo mbwenye atooiomba ira atu takalengamo.” (Esaya 45:18, 19) Adamu na Eva tangasakunle avwela Yohova, aliwa tatoova-iwa ilango ya wukwa. Vahora yeniyo, vyaoneya ninga ifunelo ya Yohova itoimwananeya. Mbwenye Yohova unodha kwakwaneli-edha vyongo vyothene vilanyedhile liye. (Esaya 46:10, 11) Ifunelwee yoi vailamboi vakale atu olongomana kichinjile. Ngumwasee Yohova atoorumeli-a ira Adamu na Eva tabale a-ima. Liye atoovelela mwanee obaliwa ekene ninga khuto ira avulumuche a-ima Aadamu thitho noava-a idedi-edho yosangalali-a yodhakaana ingumi modhowa nodhowa.—Ju. 3:16.
VYONGO VINOIRECHA YOHOVA VOFUNA KWAKWANELI-EDHA IFUNELWEE
6. N’nga Yohova aongilen’ni Adamu na Eva tangadawile?
6 Adamu na Eva tatoonami-iwa na “nyowa yawalile, inoidhiweya ira Satana venango Namanami-a.” Liye atooirana vyevi ira Adamu na Eva ta-avwele Nlungu.”a (Apok. 12:9; Maro 3:4, 5; Ju. 8:44) Namwasa wa vyongo vyairile liyevi, Yohova atoongelatu ira Satana unodha nongiwa. (Maro 3:15) Vyaongile Yohova vinothonyi-edha ira vyevi vya-anaireye, atu anjinji tanodhakala wu ikhundu ya Satana noiranga vyongo vyothakala. Mbwenye atu enango tanodhakala ororomeleya wa Yohova.
7. N’nga mbaani uli uikhundu ya namanami-a, n’nga vyongo vinodha amalela a-vi?
7 Angelo othakala naatu anjinji, ano-arela Satana namanami-a namwasa oi anoruni-a thitho limbanana ifunelo ya Nlungu. Aliwa anoviiri-a kala wu ikhundu ya Satana. Ee-no Satana naatu othene ali wu ikhundwee anodha nongiwa vahora ikhaathi-idhe Yohova.—Dan. 2:44; Aroma 16:20.
8. N’nga Yesu airilen’ni mu yawa ya 1914? (Muone thitho iruthiruthi.)
8 N’nga chini inonisikimizeli-a ira Nlungu unodha kwakwaneli-edha ifunelwee yoi Satana naatu ali wu ikhundwee tadhanongiwe? Mu yawa ya 1914, Yesu atooromi-a khondo yolimbana na Satana namanami-a vambo-i na viwandavyee thitho atoowaponyedha vailambo yavathi. (Apok. 12:7-9) Angalive ira khondwila yaireile dhulu, vyevi vyatookuza atu ailambo yavathi. Bibilya linoonga ira: “Soka ilambo yavathi na bara, namwasa oi Namanami-a uthithile wa nyo thitho ngothakaleliwa maningi namwasa oi unoidhiwa ira u-adhina isihora yoyeva.” (Apok. 12:12) Romela mu yawa ya 1914, Satana ukadhi adimeli-anga atu thitho vyevi vitoiri-a ira vyongo vailambwila vidhowenganave thakala. Pyaimbarimbaridi “soka vailambo yavathi.” Vachineneeva Yesu unodha “ganyali vakhondo yolimbana naaliwa.” Thitho Satana naatu othene anom-arela tanodha nongiwa. (Apok. 6:2) Yesu unodha cheni-a dhina la Yohova thitho kalinodha thakali-iwave modhowa nodhowa. (Sal. 45:4-6) Mutu uliwethene unodha idhiwa ira Yohova ndi Nlungu waimbarimbari!—Zakiy. 38:23.
World War I: U.S. National Archives photo; bomb: USAF photo; pandemic: blvdone/stock.adobe.com; riot: inhauscreative/E+ via Getty Images
Romela mu yawa ya 1914, vyongo vikadhi vithakalanga maningi vailamboi (Muone ndima 8)
YOHOVA UNOGUMANI-A ATU OTHENE ANODHIVELIWANA IMBARIMBARI
9. N’nga Yohova unogumanyi-a aani malamboano?
9 Va-eeni Yohova unogumani-a “vyongo vyothene vailamboi ira vikale vyovwelana na Kristu, vyongo vyadhulu na vyongo vyavailambo yavathi.” (Aef. 1:10) “Vyongo vyadhulu” ndi Makhristau ozoziwa asakuliwile na Yohova ira tamatonge vambo-i na Kristu dhulu. “Vyongo vyavailambo yavathi” ndi atu anofuna dhakaana ingumi modhowa nodhowa paradaizoni vailambo yavathi. Magulu menlala, anolaba mwathindi basa lokami-a atu ana rima wapama ira tam’mwidhiwe Yohova thitho thonyi-edha ira Satana ngonama.
10. N’nga Yohova unoakami-a a-vi atu ira taidhiwe imbarimbari? (Apokalipse 14:6, 7)
10 Yohova unogumani-a atu anodhiveliwana imbarimbari, dhela mu basa ilukhulu yolaleela yeniyo inoireya vailambo yothene kwaranya ndulimu. (Muleri Apokalipse 14:6, 7.) Angalive ira Yohova uno-indi-edha basa atwee ira tawandelenga atu enango milanyu yapama, angelo thitho tanokami-a gumani-a atu apama ira tarome funjedha imbarimbari. Basa yolaleela inokami-a maningi atu idhiwa vyonama vya Babulo Nlukhulu, oi unoimelela magreja othene onama enao Satana ukadhi liye aa-indi-edhanga basa wa vyawa vinjinji vomwadha milanyu yonama yokhuza Yohova. (Apok. 18:2, 4) Vachineneeva magreja othene onama tanodha nongiwa thitho atu othene anom’dhiveliwana Nlungu waimbarimbari tanodha m’va-a titimi-o lofuneeleya wa liye.—Apok. 17:16.
11. N’nga ninaaidhiwe a-vi anamalambela aimbarimbari?
11 Yohova unoitana atu vailambo yothene ira tadhe mu gululee. (Apok. 7:9, 10) Aliwa tavwa “milanyu yapama” anozindiyela ira atofwanya imbarimbari thitho anofunechecha volowa mu gulu la Yohova. (Marku 13:10) Va-eeni ninoidhiwa pama atu anom’lambela Nlungu morumeleya naatu tanom’lambela mo-orumeleya. Namaongela malaki atooro-edha ira: “Munodha ona thitho i-yana vari va mutu olongomana na mutu othakala thitho mutu unom’labela Nlungu na mutu oi kanom’labela.” (Malak. 3:18) Amboni dha Yohova anothonyi-edha ira anom’labela Nlungu waimbarimbari namwasa wa makalelwiwa apama thitho basa yolaleela inolaba aliwa.
12. N’nga basa yolaleela inokami-a a-vi kwakwaneli-edha ifunelo ya Yohova?
12 Nalaleelanga “milanyu yapama ya umwene” ninokala nivwelanga lamulo la Yesu thitho kwakwaneli-edha ulosi. (Mat. 24:14; 28:18-20) Vyo-arelavovyee va basa leli, atu anjinji vailambo yothene anosakula kala anamafunjedha a Yesu thitho anodedi-edhela dhalam’mbelanga Nlungu waimbarimbari modhowa nodhowa. Ndi ngari ilukhulu kala mugulu laatu anolaba basa yokwakwaneli-edha ifunelo ya Yohova.
KANIKAIKELENGA IRA YOHOVA UNODHA KWAKWANELIDHEDHA VILANYEDHILE LIYE
13. N’nga Satana unolimbanana maningi naani, n’nga mwasiwa ngwan’ni?
13 Satana namanami-a ngothakaleliwa maningi namwasa oi unoidhiwa ira “u-adhina isihora yoyeva” ira anongiwe. (Apok. 12:12, 13) Liye unolimbanana maningi na ozoziwa “enao anolokota malamulo a Nlungu noirela umboni vya Yesu.” (Apok. 12:17; 14:12) Liye unolimbanana mutu uliwethene unokami-a ozoziwa nolaba basa inolaba aliwa.
14. N’nga chini inofuna dhaireya Satana adharoma limbanana atu a Yohova? (Muone thitho iruthiruthi yavakapani.)
14 Babulo Nlukhulu adhanongiwa, atu tali wu ikhundu ya Satana, tanodhafuna limbana naatu a Yohova. Vyevi vinodha romi-a khondo ya Armagedo. (Apok. 16:13, 14, 16) Yesu na gurupu laanyakhondo a dhulu, tanodha vulumucha atu a Yohova thitho tanodha nonga atu othene tali wu ikhundu ya Namanami-a. (Apok. 19:19-21) Vailambwila, kavanodha fwanyeya atu othakala venango ainyengo. (Apok. 21:8) Dhina la Nlungu waimbarimbari na walongomano linodha cheni-iwa.
Yesu na gurupu laanyakhondo adhulu tadhowanga mawana khondo ya Armagedo ira tanonge amwidanee (Muone ndima 14)
15. N’nga chini inonisikimizeli-a ira vilanyedhile Yohova vinodha ireyadi? (Esaya 65:16, 17) (Muone thitho iruthiruthi.)
15 Va-eeni ilambwila itogaaneya maningi kwaranya wale lothene. Mbwenye mokami-wa na Yohova, arumiwee tanodhowanave kala ovwelana. Thitho basa logumani-a atu linaalabiwa. Yohova unaagumani-a atu othene anodhiveliwana imbarimbari ira takale mugululee. (Muleri Esaya 65:16, 17.) Kavali mutu unofuna m’mwimwanani-a Yohova, raeli-a atwee na basa inolaba aliwa. Kaninokaikela ira Yohova unodha kwakwaneli-edha vyongo vyothene vilanyedhile liye. Madhu arumiwi Paulo anofwanyeya va Aroma 8:38, 39 anonisikimizeli-a ira: “Wukwa, ingumi, angelo, maguverno, vyongo vilivo, vyongo vinodha, kopolo, imo, di-a venango yopanduchiwa iliyothene, kinodha ni-iyani-a na udhivela wa Nlungu uli mwa Kristu Yesu Mbwii-u.”
Muilambo ipya kaninodha thuulelanga okoka nyarwa dhinogumanana i-yo va-eeni (Muone ndima 15)
16. Mwasiwa ngwan’ni munororomela Yohova na rima othene?
16 Nitokaana myasa injinji yovweya yoniiri-a roromela maningi Nlungu waimbarimbari. Liye ngunamapanduchi-u thitho unonidhiveliwana maningi. Mwinji nlukhulu unaawenjedheleya mombaranya maningi namwasa oi atu tanaasakula ira tam’lambelenga Yohova. (Esaya 60:22; Zakar. 8:23) Ninoidhiwa ira hora dhothene Yohova unokwakwaneli-edha vilanyedhile liye thitho vachineneeva unodha mali-a vyonama vya Satana. Mofwanafwana na lobelo la Davide, i-yo thitho ninolobela ira: “Atitimi-iwe Yohova Nlungu, . . . liye ekene ngwenuo unoirana vyongo vyodabwi-a. Lititimi-iwe dhinalee modhowa nodhowa thitho lemezolee lidhale vailambo yothene yavathi.”—Sal. 72:18, 19.
NYUMBO 2 Dzina Lanu Ndi Yehova
a Bibilya kalinoniwandela dhina laimbarimbari la ngelo othakalula. Liye unoidhiweyana madhina ninga “Namanami-a” [onukhedha afwee vyothakala] thitho “Satana” [oruni-a]