N’nga munothuulela?

N’ga mutoleri mopwasedha revista ya manene ya Nsanja ya namaing’anela? Munooda wakhula vyofuka vyo-arelavi:

N’nga chini inonilimbi-a ira nim’va-enga Yohova titimi-o?

Ninoirana vyongo vyevi namwasa oi ninom’lemeza nom’dhiveliwana maningi thitho ninofuna ira atu tam’mwidhiwe.—w25.01, thakuru 3.

Akala mutu mwinango utousukwali-ani, n’nga munaire a-vi ira mum’levelele?

Kamupwazenga moda munodhivwela nyo. Mbwenye mwasakulanga ira mwa-adhowenave nyanyuwa thitho lokotedha mutu vyako-ini vinodha ukami-ani ira vya-auphei-eni.—w25.02, thakuru 15-16.

Mwasiwa ngwani Marku ndi ifwanafwani-o yapama maningi waazombwe?

Marku atoorumela mofunechecha labela atu enango. Angalive ira atoosukwala na vyongo vyam’mwireele, Liye kaafookile. Atooroma okoka vwelana na Paulo thitho abali enango olimba mwauzimu. —w25.04, thakuru 27.

N’nga Yesu athapulelan’ni vahora yalobenle liye ira: “Miyo nditoiri-a ira aliwa taidhiwe dhina linyu?” (Ju. 17:26)

Anamafunjedha a Yesu tali tangaidhi wale dhina la Nlungu. Mbwenye Yesu atowakami-a idhiwa vyongo vyatapulela dhina la Nlungu thangani-avo ifunelwee, vyoiravyee thitho makalelwee.—w25.05, thakuru 20-21.

N’nga dhiyevi-a unonikami-a zindiyela likhundo liivi?

Unonikami-a zindiyela ira kaninoidhiwa vyongo vyothene. Mwaifwanafwani-o, kaninoidhiwa dambo venango komoni munofuna aliwa dhafiya, na moda munofuna dhairela Yohova vyongo vahoriyo. Kaninoidhiwa thitho ira bebe-i unoda ireya vyoi a-vi kaninoidhiwa vyongo vyapama vinofuna dhaniirela Yohova.—w25.06, thakuru 15-18.

N’nga munaire a-vi ira muganyalinga mwalelinga myasa venango mwavuruwananga myasa yavatando?

Mudhifukenga ira: ‘N’nga ta-indi-edhe basa umboni uvi ira taafiye atu varimani? N’nga vatokala ifwanafwani-o yapama ina-indi-edhe miyo basa vofunji-a atu enango? N’nga mbaani unakaena ifunelo namwasula?’—w25.07, thakuru 19.

N’nga ninofunjedhavon’ni wa Yohova vamwasa olevelela naona mwemo mwairile liye vyongo na Davide?

Angalive ira Davide atooira madawo malukhulu, angachinyuwile khumela vathi varima Yohova atom’levelela. (1 Mam. 9:4, 5) Yohova anilevelela, kanothuulela vyongo vyothakala vyairile i-yo.—w25.08, thakuru 17.

N’nga ninaire a-vi akala mutu unom’funji-a i-yo Bibilya unorucheya vwechecha likhundo linangolee?

Akala mutuo unorucheyave vwechecha likhundo n’nangolee vasogolo voi mutom’funji-a pama vo-indi-edha basa Bibilya, ninooda roma li-iya likhundolo ira nidhatapanye hora inango.—w25.09, thakuru 24.

Bibilya linoonga ira madawo “atokaana inyengo yakopolo.” (Aeb. 3:13) Mwasiwa ngwani vili ee-no?

Madawo anoniiri-a ira nikopeyenga noirana vyongo vyothakala. Anooda niiri-a ira hora dhothene nikaikelenga vyoi Yohova unonidhiveliwana.—w25.10, thakuru 16.

N’nga ndi vyongo viivi viraru vinanikami-e ira malobelwi-u takalenga okhumela vathi varima?

(1) Nithuulelenga makalelo Yohova. (2) Nithuulelenga nyarwa dhinogumanana i-yo nodionga mulobelo, mwaifwanafwani-o akala vatokala mutu mwinangwee unofuna ira nim’levelele. (3) Mulobelenga wa hora indendai. Vyevi vinouva-ani Ngari yom’mwandela Yohova vyongo vinothuulela nyo thitho mwemo munodhivwela nyo.—w25.10, thakuru 19-20.

N’nga ninaire a-vi ira nikami-enga atu oulula?

Naawendelenga venango aligarela. Ninooda thitho avelela ximitari venango laleela vambo-i naaliwa mudhila dho-iyana-iyana.—w25.11, thakuru 6-7.

N’nga ndi vyongo viivi vinoiri-a ira thelana Waikristau ukalenga olemezeya?

Ninofwanela a-relanga malamulo othene a Guverno okhuza thelana. Muonechechenga ira vapwando la kazamento atu anothonyi-edha makalelo anokaana i-yo mokami-iwa na zimu ochena. Murambelenga wara modhioneli-edha thitho rambela sanganiko yo-ovwelana na makhundo a Bibilyani. Muongenga mothathuwa thitho mwalemezo mwakozeelanga kazamentwinyu.—w25.12, thakuru 21-24.