Makokota oongiwa Bibilyani

Atu anoleri Bibilya anoidhiwa ira atu enango mwa anama-arela a Yesu tali anamameza. (Marku 1:16-20) Aliwa ta-indi-edha basa makokota vopha somba mu bara la Galileya.

Makokota ophana somba tanoosaka-edhiwa moira luwiwa na migo-i venango na usalu. Ulukhula wa mabenga walandela natundu wa somba wafuna aliwa ma-indana. Hora dhinjinji chindo mwa makokota mang’ono tanoo-mangelela visimabwe ving’ono ira taodenga bwina mo-orucha, voi makokota malukhulu tanoamangelela vyongo vyonyemeli-a vathi thitho vadhuluvee tanoomangelelavo visimatabwa.

Makokotala tali odula maningi. Namwasa onyemela wa somba, makokotala tanooda nongeya venango kauwa namwasa wa mabwe anokala vathi va ma-inje. (Luka 5:6) Bibilya linoonga ira hora dhinango Yakobo na Juwau ‘tanoosona makokotiwa.’ Vinooneya ira aliwa ta-indi-edha basa singano ilukhulu na usalu. (Mat. 4:21) Anamamezao venango tanooirana vyevi vanduli voi tatomala laba basiwa yomeza. Luka atoonga thitho ira alimbo meza ‘tanoo-uwa makokotiwa’ ira takumi-emo marogodo. (Luka 5:2) Tamala a-uwa, alimbo meza tanoowaneya makokotiwao ira ta-avunde.—Zakiy. 47:10.

Yesu atooitana atu oi tanooidhiwa pama basa lomeza ira takale “alimbo meza atu.”