Mukale olimba rima na wairoromelo ninga Benaya

Benaya ali nyakhondo olimba rima oi atoolabela Mwene Davide thitho Mwene Solomu. Benaya ali mwana wa mulimbo velela sembe. Angalive ira hora dhinjinji alimbo velela sembe katadhowecha makhoma khondo, mbwenye Benaya anookhoma khondo dha Yohova thitho ali olimba rima maningi. Mwaifwanafwani-o, liye atoopha kalamu yoi yali muisimeni mo-okala ma-inje thitho atoopha nyakhondo wakopolo maningi. Davide anom’nyindela maningi Benaya moi atoom’sakula ira akale ndimuwa waanyakhondo oing’anela mwene.—2 Sa. 23:20-23.

Angalive ira Abisalomu na Adoniya tatoom’panduwela Davide, Benaya atoodhowanave kala ororomeleya wa Davide. (2 Sa. 8:18; 15:18; 1 Ma. 1:8) Davide angaulunle, Benaya atoom’kami-a Solomu ira akale mwene. (1 Ma. 1:32-40) Benaya atoodhowanave kala ororomeleya wa Yohova na mamwene aasakunle Yohovuo, angalive ira atu enango tatoo-iya kala ororomeleya.

I-yo thitho ninofwanela kala olimba rima volimbanana vyoira vothakala vya mwidani-u Satana naatu tali uikhunduyee. Thitho i-yo ninofwanela kala osikimiza a-rela makhundo a Yohova. (Aef. 6:11; 1 Pe. 5:8, 9) Masiki atu enango tasakule a-kala uikhundu ya Yohova, i-yo ninofwanela dhowanave kala ororomeleya wa Yohova nonyindelanga ira unodha niraeli-a.—2 Sa. 22:26.