MURU 3

N’nga yaireile chini ira imbarimbari ya Bibilya izindiyeliwe okhokha?

Gulu laalombwana tafunjedhanga Bibilya 1870’s — Anamafunjedha Bibilya, vyawa vya 1870

Lombwana a leringa Nsanja ya Olonda yoroma — *Nsanja ya Olonda* yoroma 1879

I-yana anga-indedile Nsanja ya Olonda na Galamukani! — *Nsanja ya Olonda* malambo ano

Bibilya latoongelatu ira Kristu angakwide, vangaoneile anamafunji-a onama vari vamakristau oroma. Thitho tangavanduchile imbarimbari ya Bibilyani. (Mayirelo 20:29, 30) Mwaimbarimbari, vira wa hora vyevyo vyatoireya. Aliwa tatoroma thangani-a makhundo afunji-a Yesu na vyafunjaatu. Vyevi pyairi-ile ira vakhale ukristau onama. (2 Timoteo 4:3, 4) N’nga malambo ano ninaroromele avi ira ninovwechecha phama makhundo anofunji-a Bibilya?

Hora yoi Yohova aidhiwi-e imbarimbari. Yohova atoongelatu ira, fiedha ‘hora yomari-a atu anjinji anodha idhiwa imbarimbari’. (Danieli 12:4) Yawa ya 1870, gulu ling’ono laatu lasakhasakha imbarimbari latozindiyela ira makhundo afunji-a mareligiu tali o-ovwelana na malemba. Eno, aliwa tatoroma sakhasakha ira tazindiyele ifunji-edho ya imbarimbari ya Bibilya, eno Yohova ato-araeli-a.

Atu ooma rima tafunjedha Bibilya mwathindhi. Anamafunjedha Bibilya athindhi odhivelelawo, ta-indi-edha basa ndhila yaphama vofunji-a madhu a Nlungu, thitho malambo ano nino-indi-edha basa ndhila yeniyo. Aliwa tafunji-a Bibilya votaphanya muru mmbo-i wa mwasa, thitho tanooda sakhula muru mwinango. Mbwenye tafwanya mwasa wa Bibilyani orucha vwechecha, tanoosakhasakha maverso enango ira tauvwecheche phama mwasuwo. Eno tanooda taphanya mwasuwo fiedha umali-a fwanya likhundo limbo-i lovwelana na malemba enango othene, thitho tanooilemba venango vene. Mwasa oi tanoo-iya ira Bibilya liode thaphulela okhene, Anamafunjedha Bibilyawo tatooidhiwa imbarimbari yoonga dhina la Nlungu thitho Umwenae. Tatooidhiwa thitho Nlungu yapanduchedhe liye atu na ilambo yavathiyi, na vinaireya mutu akwa, thitho vyoi atu okwa anodha venyathi-iwa. Basaliwa losakasaka imbarimbari, latoakhami-a ira tathathuwe mairelo na vilemeelo vyonama.—Juwau 8:31, 32.

Yawa ya 1879, anamafunjedha a Bibilya tatoonelamo ira yali hora yovwei-a imbarimbari na nguru dhothene. Na mwasa wa vyevyo, tatooroma khumi-a Nsanja ya Olonda Yolengeza Ufumu wa Yehova, revista linakhumi-ave iyo fiedhela malambo ano. Mwachineneeva ninofunjedha naatu vambo-i imbarimbari vilambo 240, na viongelo vyokwaranya 750. Chiimbarimbaridi ira mo-iyana na ndulimu, mwachineneeva atu anjinji tatoidhiwa imbarimbari!

N’nga atu anjinji taiyirilena avi imbarimbari ya Bibilyani vyakwide Kristu?
Jinikhami-idhe chini ira nijiidhiwe okhokha imbarimbari ya madhu a Nlungu?