Apokalipse
9 Ngelo wa 5 atooli-a lipengalee. Thitho ndatoona nyenyedi yagwele vathi khumela dhuluo. Nyenyediyo yatoova-iwa xavi yovolowana lindi nlukhulu. 2 Nyenyediyo yatoodhula lindi nlukhululo thitho wichi ninga wa lindi nlukhulu la mulo watookhuma lindinimo. Dhuwa na mwela vyatoodimba nawichi wakhumela lindinimo. 3 Vari va wichiwo, vatookhuma madhombe thitho atoomwadheya vailambo yavathi. Madhombao tatoova-iwa utongi ofwanafwana na una makong’a availambo yavathi. 4 Madhombao tatoowandeliwa ira katinonge vyomela vyavailambo yavathi, venango yongo iliyothene yobitimela venango imuri iliyothene, mbwenye ira taphei-e atu akondile a-kaana idindo ya Nlungu vakoveni viwa.
5 Madhombao katirumeli-iwile upha atwao, mbwenye tatoowandeliwa ira taaoni-e nyarwa wa myedi 5. Thitho oni-iwa nyarwa wiwao wali ofwanafana na ninga mwemo munoonela nyarwa mutu alumiwa na kong’a. 6 Malambo enao, atu anodha sakasaka wukwa mbwenye katinodha ufwanya. Atwao anodha funechecha wukwa mbwenye wukwao unodha atawa.
7 Madhombao tanooneya ninga makavalo okozeela khondoni. Vamiruni viwa vatookala vyongo vyooneya ninga vichapowa vya umwene vya oro. Kove dhiwa dhali ninga dhaatu, 8 mbwenye sisi liwa lali ninga laa-iyana thitho menwiwa ali ninga akalamu. 9 Vamirimani viwa vatookala vyodhibarelana ninga mafero. Thitho ula wa mapepelwiwa wavweya ninga ngolo dhoi dhinomburuliwa na makavalo oi anotamangela khondoni. 10 Madhombao tatookaana thitho mila yoi yan’na minga ninga yamakong’a. Miliwayo njana kopolo dhophei-ana atwao wa myedi 5. 11 Madhombao tatokaana mwene oi ndi ngelo wa lindi nlukhulu. Mu Iebere dhinalee ndi Abadoni,* mbwenye mu Igiriki dhinalee ndi Apoliyoni.*
12 Soka limbo-ilo litovira. Mbwenye vasogolo va vyevi vanodha masoka enango menli.
13 Ngelo wa 6 atooli-a lipengalee. Ndidhamale ndatoovwa madhu okhumela va nyanga dhavaiguwani ya sembe ya oro yoi ili vamethoni va Nlungu, 14 awandelanga ngelo wa 6 oi ana lipengule ira: “Uthathule angelo 4 enao amangeleliwile duzi na i-nje ulukhulu wa Eufrati.” 15 Moi e-no angelo 4 ao atoothathuliwa. Aliwa ali okozeya ira vahora, dambo, mwedi na yawa yeyo aphe ikhundu imbo-i mwavikhundu 3 vyaatu.
16 Thitho numero ya anyakhondo agwenle va makavalo yali 20.000 weli-edha 10.000.* Yen’na yali numerwiwa yavwide miyo. 17 Makavalo na agwenle vamakavalonivo, aoneya e-ni mu masopenyao: Atoowara vyodhibarelana vamirimani vyofila ninga mulo, vya azuli ninga libwe la jasintu na vyamadjani ninga sulufule. Miru ya makavalwao yali ninga miru ya kalamu thitho mwano mwiwa mwanookhuma mulo, wichi na sulufule. 18 Ikhundu imbo-i mwa vikhundu 3 vyaatu vyatoophiwa na mitundu 3 ya sau yakhumile mwano mwiwa, yoi ndi mulo, wichi na sulufule. 19 Kopolo dhamakavalwao dhali mwano mwiwa na miliwa, namwasa oi miliwayo yali ninga nyowa thitho yatookaana miru. Mila yen’na tanoophei-ana atu.
20 Mbwenye atu othene takhondile a-phiwa na misawila, katachinyuwile wu mabasa a mandhiwa. Kata-iidhe lambela viwanda na mafwano a oro, a fero, a kuwa, a mabwe na muri, oi katinooda ona, uvwa, venango wenda. 21 Aliwa katachinyuwile wu mabasiwa opha atu, vya mizimu, vya unyambi,* na mabasiwa oba.