Okozesa Kaadi Eziragirira Abantu ku Mukutu JW.ORG?

Omulimu gw’okubuulira gulina okukolebwa mu bwangu kubanga ekibonyoobonyo ekinene kiri kumpi. (Nge 24:11, 12, 20) Tusobola okukozesa kaadi eziragirira abantu ku mukutu gwaffe, okukubiriza abantu okusoma Ekigambo kya Katonda. Kaadi eyo eriko code etwala omuntu ku vidiyo erina omutwe ogugamba nti, Lwaki Kikulu Okuyiga Bayibuli? era emukubiriza okumanya ebisingawo oba okusaba okuyigirizibwa Bayibuli. Abantu abamu bayinza obutakkiriza bitabo byaffe, naye nga basobola okugenda ku mukutu gwaffe. N’olwekyo, tolonzalonza kubawa kaadi eyo. Kyokka kaadi ezo tetusaanidde kuzirekera abantu abatasiimye bubaka bwaffe.

Bwe tuba twagala okuwa omuntu kaadi eyo, tuyinza okumugamba nti: “Nnandyagadde okukuwa kaadi eno eragirira abantu ku mukutu gwa Intaneeti oguliko eby’okusoma ne vidiyo ezikwata ku nsonga ezitali zimu.” (Yok 4:7) Olw’okuba kaadi ezo si nnene, osobola okutambula nazo n’oziwa abantu buli lw’oba ofunye akakisa.