Ebitegeerekeka eri Abalala

1 Abakkolinso 14:9

MU BUFUNZE: Yamba abakuwuliriza okutegeera by’obabuulira.

ENGERI Y’OKUKIKOLAMU:

• By’ogenda okuyigiriza abalala byekenneenye bulungi. Fuba okutegeera obulungi by’ogenda okuyigiriza abalala osobole okubinnyonnyola mu ngeri ennyangu era mu bigambo byo.

• Kozesa sentensi ennyimpimpi n’ebigambo ebyangu okutegeera. Wadde nga osobola okukozesa sentensi empanvu, ensonga enkulu zinnyonnyole ng’okozesa ebigambo ebyangu okutegeera, era ne sentensi ennyimpimpi.

• Nnyonnyola ebigambo abakuwuliriza bye batamanyi. Tokozesa nnyo bigambo abakuwuliriza bye batamanyi. Bw’obaako ky’ogenda okwogera ng’abakuwuliriza tebakimanyi, gamba ng’ekigambo oba omuntu omu ayogerwako mu Bayibuli, ekipimo oba akalombolombo ak’edda, kinnyonnyole.