Ebizimba era Ebizzaamu Amaanyi

Yobu 16:5

MU BUFUNZE: Essira tolissa ku bizibu wabula lisse ku ngeri y’okubigonjoolamu, era ne ku bintu ebisobola okuzzaamu abakuwuliriza amaanyi.

ENGERI Y’OKUKIKOLAMU:

• Beera n’endowooza ennuŋŋamu ku bakuwuliriza. Kitwale nti bakkiriza banno baagala okusanyusa Yakuwa. Ne bwe kiba nti olina okubawabula, sooka obasiime mu bwesimbu buli lw’oba ofunye akakisa.

• Toyogera nnyo ku bintu ebimalamu amaanyi. Emboozi yo bw’ebaamu ekintu ekitali kirungi, kyogereko katono bw’olaba nga kyetaagisa. Okusingira ddala by’oyogera bisaanidde okuba nga bizzaamu amaanyi.

• Kozesa bulungi Ekigambo kya Katonda. Yogera ku bintu Yakuwa bye yakola, by’akola kati, era ne by’ajja okukolera abantu. Abakuwuliriza bayambe okufuna essuubi era bazzeemu amaanyi.