Okutambula ne Yakuwa Buli Lunaku

1. Twekwatenga ku Yakuwa,

Tube nga tutambula naye.

Ekisa nga kya nsusso nnyo

Ky’alaga ’batambula naye!

Akoze enteekateeka

Ezituganyula ffe,

Era twewaddeyo gy’ali;

Ye yekka kwe tunyweredde.

2. ’Nnaku zino ze tulimu,

Ng’enkomerero esembera,

Tulina ’batuziyiza;

Bagezaako ’kutulemesa.

Naye Yakuwa ’tukuuma;

Twongere ’kumwesiga,

Tube bawulize gy’ali.

Tumunywerereko ddala.

3. Atuyamba ng’ayitira

Mu mwoyo gwe n’Ekigambo kye.

Ayitira mu kibiina;

Addamu okusaba kwaffe;

Era bw’atyo atuyamba

Tukole ebirungi.

Tubenga beesigwa gy’ali

Era tube beetoowaze.