Ddala Yesu Ye Katonda Omuyinza w’Ebintu Byonna?

Bayibuli ky’egamba

Abalabe ba Yesu baamulumiriza nti yali yeetwala okuba nga yenkanankana ne Katonda. (Yokaana 5:18; 10:30-33) Naye Yesu takiragangako nti yenkanankana ne Katonda Omuyinza w’Ebintu Byonna. Yagamba nti: “Kitange ansinga obuyinza.”—Yokaana 14:28.

Abayigirizwa ba Yesu abaasooka baali tebakitwala nti Yesu yenkanankana ne Katonda Omuyinza w’Ebintu Byonna. Ng’ekyokulabirako, omutume Pawulo yawandiika nti oluvannyuma lwa Yesu okuzuukizibwa, Katonda “[yagulumiza Yesu] n’amuteeka mu kifo ekya waggulu ennyo.” Kyeyoleka lwatu nti Pawulo yali takitwala nti Yesu ye Katonda Omuyinza w’Ebintu Byonna. Kubanga singa kyali kityo, kyandisobose kitya Katonda okugulumiza Yesu mu kifo ekya waggulu ennyo?—Abafiripi 2:9.