Funayo Obudde Oyige Ebikwata ku Katonda

Ojja kuganyulwa nnyo singa ofunayo obudde n’oyiga ebikwata ku Katonda. Ekyo bw’okikola oba ofuddeyo ku bwetaavu bwo obw’eby’omwoyo. Weetegereze ekyo Yesu kye yayogera ku nsonga eyo.

Yesu kye yayogera

“Balina essanyu abamanyi obwetaavu bwabwe obw’eby’omwoyo.”—Matayo 5:3.

• Ffenna tulina ebibuuzo bye twebuuza mu bulamu, gamba nga: Katonda yalina kigendererwa ki okututonda? Lwaki waliwo ebizibu bingi mu nsi? Kiki ekituuka ku muntu ng’afudde? Okusobola okuba abasanyufu, twetaaga okufuna eby’okuddamu mu bibuuzo ebyo.

“Omuntu taba mulamu lwa mmere yokka, naye aba mulamu olwa buli kigambo ekiva mu kamwa ka Yakuwa.”a—Matayo 4:4.

• Nga bwe twetaaga okulya emmere tusobole okuba abalamu, bwe tutyo bwe twetaaga n’emmere ey’eby’omwoyo. Yesu yakiraga nti mu Kigambo kya Katonda mmwe tujja emmere ey’eby’omwoyo.

“Ekigambo kyo ge mazima.”—Yokaana 17:17.

• Yesu yakiraga nti okusingira ddala Yakuwa akozesa Ekigambo kye Bayibuli okutuliisa mu by’omwoyo.

Tukukubiriza okufissaawo obudde oyige ebikwata ku Katonda okuva mu Kigambo kye Bayibuli. Ekyo kijja kukusobozesa okuba omusanyufu. Bino wammanga bisobola okukuyamba:

• Soma Bayibuli ku bwereere.

• Saba omuntu akukyalire akuyigirize Bayibuli ku bwereere.