Ani gw’Oyinza Okwesiga?—Kiki Bayibuli ky’Egamba?

Abantu bayisibwa bubi ng’abo be babadde beesiga babayiyeeyo. Abantu bangi tebakyesiga  . . .

• bannabyabufuzi abeefaako bokka.

• mikutu gy’amawulire egitafulumya mawulire matuufu.

• bannassaayansi abatakola ebyo ebiyamba abantu.

• bakulembeze b’amadiini abeenyigira mu by’obufuzi mu kifo ky’okwemalira ku Katonda.

Abantu batuufu obutamala geesiga buli omu. Bayibuli egamba nti:

• “Teweesiganga bafuzi; tewali muntu asobola kukununula.”—Zabbuli 146:3, Good News Translation.

Oyo gw’osobola okwesiga

 Bayibuli etubuulira oyo gwe tusaanidde okwesiga: Ye Yesu Kristo. Ng’oggyeeko okuba nti Yesu bwe yali wano ku nsi emyaka nkumi na nkumi emabega yali muntu mulungi, Katonda yamulonda okufuga nga “Kabaka . . . , era Obwakabaka bwe tebuliggwaawo.” (Lukka 1:32, 33) Yesu ye Kabaka w’Obwakabaka bwa Katonda, gavumenti efugira mu ggulu.—Matayo 6:10.

• Okumanya ensonga lwaki wandyesize Yesu, soma ekitundu “Kabaka w’Obwakabaka bwa Katonda y’Ani?”ne “Biki Obwakabaka bwa Katonda Bye Bunaakola?”