Engeri gye Tuyinza Okuba n’Essuubi mu 2024—Kiki Bayibuli ky’Egamba?

Bangi balowooza nti tewali ngeri gye tujja kuvvuunukamu bizibu ebigenda okubaawo mu nsi mu 2024. Naye tusobola okuba n’essuubi ery’ebiseera eby’omu maaso. Tuyinza kulijja wa?

Bayibuli etuwa essuubi

Bayibuli egamba nti Katonda ajja kumalawo ebizibu ebireetera obulamu okulabika ng’obutali bwa makulu. Mu kiseera ekitali kya wala, Katonda agenda kusangula “buli zziga mu maaso [gaffe] era okufa tekulibaawo nate, newakubadde okukungubaga, newakubadde okukaaba, newakubadde obulumi.”—Okubikkulirwa 21:4.

•  Okumanya ebisingawo ku ebyo Bayibuli by’eyogera ku biseera eby’omu maaso, soma Ekitundu “A Real Hope for a Better Tomorrow.”

Engeri Bayibuli gy’esobola okukuyamba mu kiseera kino

Bayibuli etuwa essuubi ery’ebiseera eby’omu maaso era ng’ekyo kisobola okukuyamba okulwanyisa endowooza ezitali nnungi n’oba n’endowooza ennuŋŋamu. (Abaruumi 15:13) Ate era, amagezi agali mu Bayibuli gasobola okukuyamba ng’oyolekagana n’ebizibu gamba ng’obwavu, obutali bwenkanya, n’obulwadde.

•  Laba engeri essuubi eriri mu Bayibuli gye lyayambamu omusajja omu okufuna emirembe n’essanyu wadde nga yakulira mu mbeera ey’obwavu. Laba vidiyoJuan Pablo Zermeño: Yakuwa Yansobozesa okuba n’Obulamu obw’Amakulu.

•  Laba engeri Bayibuli gy’esobola okukuyamba ng’olumizibwa omutima, ng’oli munakuwavu, ng’oli mweraliikirivu oba ng’ofiiriddwako omuntu wo. Soma ekitundu “Can I Find Words of Comfort in the Bible?”

•  Laba engeri munnamagye omu eyeeyogerako ng’omuntu ‘eyali tafaayo era atalina kisa’ gye yafunamu essuubi olw’ebyo bye yayiga mu Bayibuli. Laba vidiyo I Put Down My Rifle.

Baako ky’okolawo omwaka 2024 gukubeerere ogw’essanyu awamu n’ab’omu maka go. Laba engeri Bayibuli gy’esobola okukuyambamu. Osobola okuyiga naffe Bayibuli ku bwereere nga tukubaganya ebirowoozo. Laba engeri Katonda gy’asobola okukuyamba okufuna “emirembe” kati, “n’ebiseera eby’omu maaso ebirungi era n’essuubi.”—Yeremiya 29:11.