Ebinaakuyamba Okukozesa Omukutu Gwaffe

Okuzuula Awali Ebitundu Ebiteekebwako

Ababuulizi bangi bakozesa ebitundu eby’okusoma ebiteekebwa awatandikirwa ku jw.org, mu buweereza. Ebitundu ebyo byangu okuweereza abantu ate bitera kwogera ku ngeri ebigenda mu maaso mu nsi gye bituukirizaamu obunnabbi bwa Bayibuli. Ow’oluganda omu yawandiika nti ebitundu ebyo ebiteekebwa awatandikirwa “byebyo byennyini bye twetaaga mu buweereza mu kiseera kino.”

Naye ebitundu ebiteekebwa awatandikirwa bikyusibwa buli kiseera. Kati olwo ebitundu ebitakyalabikira awatandikirwa, oyinza kubisanga wa?

• Ng’oli awatandikira ku jw.org/lg, nyiga ku bigambo “Laba n’Ebirala.” Bw’onyiga ku bigambo ebyo, ojja kugenda awali omutwe, “Ebyali Byakateekebwa Awatandikirwa,” era awo we waba ebitundu ebitakyalabikira awatandikirwa.

• Ku jw.org oba ku JW Library^®, genda ku “Library,” ogende ku “Article Series,” oluvannyuma ogende ku “More Topics.” Ekitundu ekyo kirimu ebitundu bingi ebyateekebwako awatandikirwa ku jw.org.