Ebitonde Bituyamba Okweyongera Okwesiga Amagezi ga Yakuwa

Bulijjo Yakuwa amanyi ekisinga okutuganyula? Yee! Ekyo bwe tuba nga tukikkiriza, tujja kugoberera obulagirizi bw’atuwa. (Nge 16:3, 9) Kyokka kiyinza obutatwanguyira kugoberera bulagirizi bw’atuwa bwe buba nga bwawukana ku ekyo kye tulowooza nti kye kituufu. Tusobola okweyongera okwesiga amagezi ga Yakuwa bwe tufumiitiriza ku bintu bye yatonda.​—Nge 30:24, 25; Bar 1:20.

MULABE VIDIYO, KYAJJAWO KYOKKA? EBIWUKA BYEWALA BITYA OKUBA N’AKALIPPAGANO? OLUVANNYUMA MUDDEMU EBIBUUZO BINO:

• Biki ebiwuka ebisinga obungi bye bikola buli lunaku?

• Ebiwuka byewala bitya okuba n’akalippagano?

• Biki ebibiyamba obutaba na kalippagano abantu bye basobola okukoppa?

MULABE VIDIYO, KYAJJAWO KYOKKA? ENGERI ENJUKI EYITIBWA “BUMBLEBEE” GY’EBUUKAMU, OLUVANNYUMA MUDDEMU EBIBUUZO BINO:

• Buzibu ki abagoba b’ennyonyi bwe bafuna nga bavuga obunyonyi obutono?

• Enjuki eyitibwa bumblebee esobola etya okubuuka obulungi wadde ng’empewo eba ekunta nnyo?

• Kiki abantu kye basobola okukoppa ku ngeri enjuki eyo gy’ebuukamu?

Ebitonde by’olaba mu kitundu kyo byoleka bitya amagezi ga Yakuwa?