Beera nga Yusufu​—Dduka Ebikolwa eby’Obugwenyufu

Yusufu yatuteerawo ekyokulabirako singa tuba tukemeddwa okwenyigira mu kikolwa eky’obugwenyufu. Buli mulundi muka mukama we gwe yagezaako okumusendasenda okwegatta naye, yagaana. (Lub 39:7-10) Yamugamba nti: “Nnyinza ntya okukola ekibi ekyenkanidde awo ne nnyonoona mu maaso ga Katonda?” Ekyo kiraga nti yali amaze okufumiitiriza ku ky’okuba nti Yakuwa ayagala abafumbo babeere beesiga eri bannaabwe. Muka mukama we bwe yagezaako okumukaka, yadduka mu kifo ky’okulinda okutuusa lwe kyandimubeeredde ekizibu okunywerera ku kituufu.​—Lub 39:12; 1Ko 6:18.

MULABE VIDIYO, DDUKA EBIKOLWA EBY’OBUGWENYUFU, OLUVANNYUMA MUDDEMU EBIBUUZO BINO:

• 

  Mbeera ki Jin gye yayolekagana nayo?

• 

  Kibuuzo ki Jin kye yeebuuza, Mee-Kyong bwe yamusaba amuyambeko ku kubala?

• Ekyo Mee-Kyong kye yasaba okumukolera kyakwata kitya ku Jin?

• 

  Jin yayambibwa atya?

• 

  Kiki Jin kye yakola okusobola okudduka ebikolwa eby’obugwenyufu?

• Biki by’oyize mu vidiyo eyo?