Engeri Abafumbo Gye Bayinza Okunyweza Obufumbo Bwabwe

Ibulayimu ne Saala baateerawo abafumbo ekyokulabirako ekirungi. Baali baagalana nnyo era nga bawaŋŋana ekitiibwa. (Lub 12:11-13; 1Pe 3:6) Kyokka, nabo obufumbo bwabwe bwali tebutuukiridde era baayita mu bizibu ebitali bimu. Biki abafumbo bye bayinza okuyigira ku Ibulayimu ne Saala?

Mube n’empuliziganya ennungi. Munno mu bufumbo bw’ayogera ebigambo ebitali bya kisa, muddemu mu bukkakkamu. (Lub 16:5, 6) Mufune obudde okubeerako awamu. Okuyitira mu bigambo ne mu bikolwa, kakasa munno nti omwagala nnyo. N’ekisinga byonna, mufube okubeera n’enkolagana ennungi ne Yakuwa nga mwesomesa, nga musabira wamu, era nga musinziza wamu. (Mub 4:12) Obufumbo bwe buba obunywevu, buweesa oyo eyatandikawo enteekateeka y’obufumbo ekitiibwa.

MULABE VIDIYO, ENGERI GYE MUYINZA OKUNYWEZA OBUFUMBO BWAMMWE, OLUVANNYUMA MUDDEMU EBIBUUZO BINO:

• Mu vidiyo gye tulabye, biki ebiraze nti enkolagana ya Shaan ne Kiara yali egenda eddirira?

• Lwaki okwogera mu bwesimbu kikulu nnyo mu bufumbo?

• Ekyokulabirako kya Ibulayimu ne Saala kyayamba kitya Shaan ne Kiara?

• Biki Shaan ne Kiara bye baakola okusobola okunyweza obufumbo bwabwe?

• Lwaki omwami n’omukyala buli omu tasaanidde kusuubira nti obufumbo bwabwe tebujja kubaamu bizibu?