Luubirira Obuyigirize Obuva eri Katonda

LWAKI KIKULU: Yakuwa, Omuyigiriza Asingiridde, atuwa obuyigirize obusingayo obulungi. Atuyigiriza engeri y’okuba n’obulamu obulungi kati ne mu biseera eby’omu maaso, era obuyigirize obwo tetubusasulira! (Is 11:6-9; 30:20, 21; Kub 22:17) Okuyitira mu buyigirize obwo, Yakuwa atutendeka ne tusobola okubuulira abalala obubaka obujja okubasobozesa okuwonawo.​—2Ko 3:5.

ENGERI Y’OKUKIKOLAMU:

• Beera muwombeefu.​—Zb 25:8, 9

• Kkiriza okutendekebwa kw’ofuna kati, gamba ng’okukola ku bitundu ebiba bikuweereddwa mu lukuŋŋaana olwa wakati mu wiiki

• Weeteerewo ebiruubirirwa eby’omwoyo.​—Baf 3:13

• Baako bye weefiiriza osobole okufuna okutendekebwa okusingako.​—Baf 3:8

MULABE VIDIYO, EMIKISA EGIVA MU KUTENDEKEBWA YAKUWA, OLUVANNYUMA MUDDEMU EBIBUUZO BINO:

• Kusomoozebwa ki ababuulizi abamu kwe balina okuvvuunuka okusobola okugenda mu Ssomero ly’Ababuulizi b’Enjiri y’Obwakabaka?

• Kutendekebwa ki abagenda mu Ssomero ly’Ababuulizi b’Enjiri y’Obwakabaka kwe bafuna?

• Ab’oluganda mu kibiina bayamba batya ababuulizi abavudde mu ssomero eryo, ababa baweerezeddwa mu kibiina kyabwe?

• Bisaanyizo ki omubuulizi by’alina okutuukiriza okusobola okugenda mu Ssomero ly’Ababuulizi b’Enjiri y’Obwakabaka? (kr-E lup. 189)

• Kutendekebwa ki okulala okuli mu kibiina kya Yakuwa kw’osobola okuluubirira?