Okwagala Kwe Kwawulawo Abakristaayo ab’Amazima​—Kuuma Obumu Bwe Tulina

LWAKI KIKULU: Mu kiro ekyasembayo Yesu alyoke attibwe, yasaba nti abayigirizwa be “babeerere ddala bumu.” (Yok 17:23, obugambo obuli wansi) Okusobola okusigala nga tuli bumu, tulina okwoleka okwagala kubanga okwagala “tekusiba kiruyi.”​—1Ko 13:5.

ENGERI Y’OKUKIKOLAMU:

• Koppa Yakuwa ng’ossa ebirowoozo byo ku birungi abalala bye bakola

• Sonyiwa abalala

• Bwe mumala okugonjoola obutategeeragana obubaddewo wakati wo n’omuntu omulala, toddamu kunonooza nsonga eyo.​—Nge 17:9

MULABE VIDIYO “MWAGALANENGA”​—TOSIBA KIRUYI, OLUVANNYUMA MUDDEMU EBIBUUZO BINO:

• Mu kitundu ekisoose ekya vidiyo eyo, Helen akiraze atya nti abadde anyiigidde muganda we?

• Mu kitundu eky’okubiri, kiki ekiyambye Helen okufuna endowooza ennuŋŋamu?

• Helen akuumye atya obumu bw’ekibiina?