Engeri y’Okuddamu Obulungi mu Nkuŋŋaana

Bwe tuwulira eby’okuddamu ebirungi nga tuli mu nkuŋŋaana, tuzimbibwa mu by’omwoyo. (Bar 14:19) N’oyo aba azzeemu obulungi naye aganyulwa. (Nge 15:23, 28) N’olwekyo, tusaanidde okufuba okuddamu waakiri omulundi gumu mu buli lukuŋŋaana. Olw’okuba tuyinza obutalondebwa buli lwe tuwanika omukono, kiba kirungi okutegeka eby’okuddamu ebiwerako.

Eky’okuddamu kiba kirungi . . .

• nga kiri mu bigambo bitonotono era nga kyangu okutegeera. Emirundi egisinga kiyinza okuba kya butikitiki 30 oba obutawera

• ng’oyo addamu tasoma kisome mu katabo

• ng’oyo addamu tayogera ku ebyo abalala bye bamaze okwogerako

Bw’oba nga ggwe asoose okulondebwa . . .

• ddamu butereevu ekibuuzo ekibuuziddwa

Ekibuuzo bwe kiba nga kiddiddwamu, oyinza . . .

• okulaga engeri ekimu ku byawandiikibwa ebiragiddwa gye kikwatagana n’ensonga eyogerwako

• okulaga engeri esonga eyogerako gy’etukwakako

• okunnyonnyola engeri gye tusobola okukolera ku ekyo kye tuyize

• okuwaayo ekyokulabirako ekimpimpi ekikwatagana n’ensonga enkulu