Enteekateeka Y’enkuŋŋaana Z’obuweereza

Wiiki Etandika Jjulaayi 10

Oluyimba 8

Ddak. 10: Ebirango by’ekibiina. Ng’okozesa ebirowoozo ebiri ku lupapula 4 oba ebirala ebituukirawo mu kitundu kyammwe, laga engeri y’okugabamu Watchtower eya Jjuuni 15 ne Awake! eya Jjuuni. Mu kimu ku byokulabirako, laga engeri y’okukwatamu omuntu agamba nti “Ffe wano tuli Bakristaayo.”​—Laba akatabo Reasoning, lup. 19.

Ddak. 15: Engeri Ekibiina gye Kitegekeddwamu ne gye Kikulemberwamu. Kwogera n’okukubaganya ebirowoozo n’abawuliriza nga kwesigamiziddwa ku ssuula 4 ey’akatabo Organized to Do Jehovah’s Will.

Ddak. 20: “Yamba Omuyizi Okutegeera n’Okusiima Engeri za Yakuwa Ezitenkanika.”a Kozesa ekyokulabirako ekiraga engeri y’okukozesaamu ebibuuzo okuyamba omuyizi wa Baibuli okufumiitiriza ku nsonga eziri mu kasanduuko akalimu eby’okwejjukanya akali ku nkomerero y’essuula esooka ey’akatabo Baibuli Ky’Eyigiriza.

Oluyimba 41 n’okusaba okufundikira.

Wiiki Etandika Jjulaayi 17

Oluyimba 32

Ddak. 10: Ebirango by’ekibiina. Ebirango okuva mu Obuweereza Bwaffe obw’Obwakabaka. Mu bumpimpi yogera ku biri mu Watchtower eya Agusito 15, 2000, olupapula 32. Laga emiganyulo gy’okuba n’enteekateeka ey’okusoma Baibuli buli lunaku, ne bwe tuba mu luwummula oba mu kiseera ekirala kyonna nga tetuli ku mirimu gya bulijjo.

Ddak. 15: Okwagala n’Obwetoowaze​—Ngeri Nkulu mu Buweereza. Kwogera nga kwesigamiziddwa ku Omunaala gw’Omukuumi, ogwa Ssebutemba 1, 2002, Olupapula 14-16, akatundu 13-20.

Ddak. 20: “Koppa ‘Katonda Waffe Omusanyufu,’ Yakuwa.”b Saba abawuliriza boogere ku kibayambye okusigala nga basanyufu n’obutaggwaamu maanyi nga babuulira mu bitundu byabwe.

Oluyimba 15 n’okusaba okufundikira.

Wiiki Etandika Jjulaayi 24

Oluyimba 57

Ddak. 15: Ebirango by’ekibiina. Soma alipoota y’eby’embalirira n’ebbaluwa eraga nti ssente ezaaweebwayo ku sosayate zaatuuka. Ng’okozesa ebirowoozo ebiri ku lupapula 4 oba ebirala ebituukirawo mu kitundu kyammwe, laga engeri y’okugabamu Watchtower eya Jjulaayi 1 ne Awake! eya Jjulaayi. Buli luvannyuma lwa kyakulabirako, ddamu oyogera ku bigambo omubuulizi bye yakozesezza ku ntandikwa ebyasikiriza oyo gwe yasanze awaka.

Ddak. 10: “Bataddewo Ekyokulabirako eky’Obwesigwa.” Kwogera nga kulimu ebyokulabirako ebikwata ku bapayoniya ab’enjawulo ebiri mu bitabo byaffe, oba buuza ebibuuzo abo abaweereza nga bapayoniya ab’enjawulo mu kibiina kyo.​—Laba Watch Tower Publications Index wansi w’omutwe “Bapayoniya ab’Enjawulo.”

Ddak. 20: Mubeere Banywevu, Abatasagaasagana. (1 Kol. 15:58) Buuza ebibuuzo ababuulizi oba bapayoniya babiri oba basatu abamaze emyaka emingi nga baweereza n’obwesigwa. Baayiga batya amazima? Omulimu gw’okubuulira gwakolebwanga gutya we baatandikira okubuulira? Bizibu ki bye basanze? Mikisa ki gye bafunye bwe banyweredde mu kusinza okw’amazima?

Oluyimba 52 n’okusaba okufundikira.

Wiiki Etandika Jjulaayi 31

Oluyimba 34

Ddak. 10: Ebirango by’ekibiina. Jjukiza ababuulizi okuwaayo lipoota zaabwe ez’obuweereza eza Jjulaayi. Babuulire obutabo obunaagabibwa mu Agusito. Soma Amawulire ga Teyokulase.

Ddak. 15: Ebyetaago by’ekibiina. Yogera ku Bukulu bw’Okuwaayo Lipoota y’Obuweereza Entuufu. Laba akatabo Organized To Do Jehovah’s Will olupapula 85-87. Balage engeri y’okubalamu okuddiŋŋana n’abayizi ba Baibuli ku foomu eyitibwa S-4. Bakubirize okuwaayo lipoota bulijjo era mu biseera ebituufu ku buli nkomerero ya mwezi.

Ddak. 20: “Beera n’Enteekateeka Ennungi, Ofune Emikisa Ntoko.”c Saba abawuliriza boogere ku kufuba kwe bakoze okusobola okuba n’enteekateeka ez’eby’omwoyo era n’emiganyulo gye bafunyemu.

Oluyimba 53 n’okusaba okufundikira.

Wiiki Etandika Agusito 7

Oluyimba 92

Ddak. 10: Ebirango by’ekibiina. Mu bumpimpi mwejjukanye engeri ennyanjula ezifulumira mu Obuweereza Bwaffe obw’Obwakabaka gye ziyinza okukozesebwa mu ngeri etuukana n’embeera y’omu kitundu kye mubuuliramu.​—Laba Obuweereza Bwaffe obw’Obwakabaka aka Jjanwali 2005 lup. 8.

Ddak. 15: Enkuŋŋaana Ezikubiriza Okwagala n’Ebikolwa Ebirungi. Kwogera okwesigamiziddwa ku Watchtower, eya Maaki 15, 2002, olupapula 24-5. Buuza omubuulizi ebibuuzo ayogere ku ngeri gy’afubamu okubaawo mu nkuŋŋaana obutayosa era n’engeri gy’aganyuddwamu.

Ddak. 20: Tuukana n’Embeera z’Abantu ng’Obuulira. Kwogera n’okukubaganya ebirowoozo nga kwesigamiziddwa ku Omunaala gw’Omukuumi, ogwa Ddesemba 1, 2005, olupapula 28-29. Mu kwogera okwesigamiziddwa ku katundu 6-11, yogera ku ngeri Pawulo gye yali yeetegerezaamu ebikwata ku bantu be yabanga abuulira, era n’ayogera ku bintu ebituukana n’embeera yaabwe. Oluvannyuma saba abawuliriza baddemu ebibuuzo eby’akatundu 12-14, ng’eby’okuddamu babikwataganya n’embeera y’omu kitundu kye babuuliramu. Laga ekyokulabirako ekiraga engeri ababuulizi gye bayinza okutuukana n’embeera gye baba basanze mu nnimiro. Gamba ng’okufaayo ku mbeera z’abantu ez’enjawulo n’empisa z’obuwangwa bwabwe.

Oluyimba 30 n’okusaba okufundikira.

[Obugambo obuli wansi]