Enteekateeka Y’enkuŋŋaana Z’obuweereza

WEETEGEREZE: Obuweereza Bwaffe obw’Obwakabaka kajja kubaamu enteekateeka y’Olukuŋŋaana lw’Obuweereza buli wiiki enkuŋŋaana za district we zinaabeererawo. Ebibiina biyinza okukola enkyukakyuka ezeetaagisa okusobola okwetaba mu Lukuŋŋaana lwa District Olwa “Abalangirizi b’Obwakabaka Abanyiikivu.” We kisaanira, mukozese eddakiika 15 mu Lukuŋŋaana lw’Obuweereza olusembayo nga temunnagenda mu lukuŋŋaana lwa District, okuggumiza nate okubuulirira okutuukana n’ekibiina kyammwe okuli ku lupapula olw’omunda. Mu mwezi gwa Okitobba, Olukuŋŋaana lw’Obuweereza lulamba lujja kukozesebwa okwejjukanya ebikulu ebyali mu lukuŋŋaana lwa district. Okusobola okweteekerateekera okwejjukanya okwo, ffenna tuyinza okubaako n’ensonga enkulu ze tuwandiika nga tuli mu lukuŋŋaana, nga mwe muli n’ezo ze twagala okuteeka mu nkola mu bulamu bwaffe, ssaako n’ez’okweyambisa mu buweereza bw’ennimiro. Oluvannyuma tuyinza okunnyonnyola engeri gye tuzze tweyambisa amagezi agaatuweebwa mu lukuŋŋaana olwo. Buli omu bw’anaayogera engeri gye yaganyulwa mu kuyigiriza kwe twafuna, kijja kutuzzaamu amaanyi ffenna.

Wiiki Etandika Jjulaayi 8

Oluyimba 89

Ddak. 15: Ebirango by’ekibiina. Ebirango ebimu okuva mu Obuweereza Bwaffe obw’Obwakabaka. Ng’okozesa amagezi agaweereddwa ku lupapula 4, laga ebyokulabirako bibiri eby’enjawulo ebiraga engeri y’okugabamu Watchtower aka Jjuuni 15 ne Awake! aka Jjuuni 22. Mu buli kyakulabirako, laga engeri ey’enjawulo ey’okuddamu abagamba nti “Naffe wano tuli Bakristaayo.”​—Kebera mu katabo Reasoning ku lupapula 19.

Ddak. 10: Akasanduuko k’Ebibuuzo. Kwogera okuweebwa omukadde ng’atuukanya ebiri mu kasanduuko n’embeera y’ekibiina.

Ddak. 20: Okweteekateeka Okusobola Okubuulira Embagirawo. Kukubaganya birowoozo n’abakuwuliriza ku katabo Organised to Accomplish Our Ministry empapula 93-4. Ng’okozesa amagezi agaaweebwa ku lupapula olw’omunda mu Obuweereza Bwaffe obw’Obwakabaka aka Jjanwali 2002, laga mu bufunze engeri emu oba bbiri ez’okubuulira mbagirawo omuntu gw’otamanyi, muliraanwa, ow’eŋŋanda, oba ow’omukwano.

Oluyimba 59 n’okusaba okufundikira.

Wiiki Etandika Jjulaayi 15

Oluyimba 61

Ddak. 10: Ebirango by’ekibiina. Lipoota y’Eby’Embalirira.

Ddak. 15: Ebyetaago by’ekibiina.

Ddak. 20: Ensonga Lwaki Tulina Okukozesa Baibuli mu Buweereza Bwaffe. Kwogera n’okukubaganya ebirowoozo n’abawuliriza. Yesu yali amanyi Ebyawandiikibwa era yabijulizanga bwe yalinga ayigiriza. (Luk. 24:27, 44-47) Bye yayigirizanga tebyalinga bibye. (Yok. 7:16-18) Kikulu naffe okukozesa Ekigambo kya Katonda. Kya maanyi okusinga kyonna kye tuyinza okwogera ku lwaffe. (Yok. 12:49, 50; Beb. 4:12) Abantu abeesimbu basikirizibwa ebigambo ebibudaabuda era ebiwa essuubi ebiri mu Baibuli. Kifuule kiruubirirwa kyo okusomayo waakiri ekyawandiikibwa kimu okuva mu Baibuli bw’oba olina gw’obuulira. Bategeeze nti mu ebyo bye tuyinza okwogera nga tugaba magazini omwezi guno, mulimu ebyawandiikibwa. Saba abakuwuliriza boogera ku ngeri gye babadde beeyambisaamu Baibuli mu buweereza n’engeri kino gye kibaganyudde mu bulamu bwabwe awamu n’abo be babuulira.

Oluyimba 96 n’okusaba okufundikira.

Wiiki Etandika Jjulaayi 22

Oluyimba 22

Ddak. 10: Ebirango by’ekibiina. Omuzadde n’omwana nga bakolera wamu obuweereza, balage engeri y’okweyambisaamu amagezi ag’okugabamu magazini aka Jjulaayi 1 ne Jjulaayi 8 agali ku lupapula  4. Omu agabe Watchtower ate omulala Awake! Kubiriza abazadde batendekenga abaana baabwe mu buweereza.

Ddak. 17: Kiki Kye Wandizzeemu Omuntu Abuuza Ebikwata ku Busiraamu? Kwogera n’okulaga ebyokulabirako. Ng’okozesa akatabo Mankind’s Search for God, essuula 12, laga ebintu ebifaanagana mu Baibuli ne Kuraani. (Laba akasanduuko akali ku lupapula 285.) Laga enjawulo eri wakati w’okuyigiriza kwa Kuraani ku bikwata ku mmeeme (olupapula 297-300) n’engeri Baibuli gy’eginnyonnyolamu. (Laba ebigambo ebiwandiikiddwa mu bunukuta obutono ku lupapula 299.) Ng’okozesa akatabo Reasoning, empapula 375-9, laga ekyokulabirako ekiraga engeri y’okunnyonnyolamu omuntu ayagala okuyiga naffe Baibuli ky’eyogera ku mmeeme.

Ddak. 18: Nsobola Ntya Okwewala Akabi Akali ku Internet? Kwogera n’okukubaganya ebirowoozo okwesigamiziddwa ku Awake!, aka Jjanwali 22, 2000, empapula 19-21. Yogera ku mitawaana egiva mu buteekomako mu nkozesa ya Internet, era onnyonnyole engeri y’okwewalamu okutwalirizibwa omuze ogwo. Saba abawuliriza boogere ku ngeri gye baganyuddwamu olw’okuteeka mu nkola amagezi ago. Internet gye zitali, mwetegereze ekitundu Are You Pursuing Virtue? (Ogoberera Empisa Ennungi?) Kwogera n’okukubaganya ebirowoozo n’abawuliriza okwesigamiziddwa ku Watchtower aka Jjulaayi 15, 1997 empapula 14-19. Ggumiza nnyo omutwe omutono, Virtue and Association (Emikwano n’Empisa Ennungi.)

Oluyimba 99 n’okusaba okufundikira.

Wiiki Etandika Jjulaayi 29

Oluyimba 4

Ddak. 10: Ebirango by’ekibiina. Jjukiza ababuulizi okuwaayo lipoota zaabwe ez’obuweereza bw’ennimiro eza Jjulaayi.

Ddak. 10: “Programu Empya ey’Olukuŋŋaana Lw’Ekitundu.” Kwogera. Langa ennaku z’omwezi olukuŋŋaana lw’ekitundu oluddako we lunaabeererawo. Kubiriza bonna okubaayo era bawulirize bulungi. Kubiriza ababuulizi abatali babatize okulowooza ku kubatizibwa. Mufube mu ngeri ey’enjawulo okuyita abayizi ba Baibuli.

Ddak. 25: “Mubeerenga Bumu.”a Bw’otuuka ku katundu 3, yogera ku nsonga eziri mu Awake! aka Apuli 22, 2000, empapula 9-10. Ate mu katundu 4, yogera ku nsonga eziri mu Watchtower aka Apuli 1, 1995, empapula 16-17 obutundu 4-6.

Oluyimba 36 n’okusaba okufundikira.

Wiiki Etandika Agusito 5

Oluyimba 17

Ddak. 10: Ebirango by’ekibiina n’Amawulire ga Teyokulase.

Ddak. 20: “Ensimbi Ze Tuwaayo Bye Zikola.”b Kiggumize nti ensimbi ezisinga obungi eziwagira omulimu gw’okubuulira mu nsi yonna, ziva mu baweereza ba Yakuwa abeewaddeyo gy’ali. Bategeeze ensimbi ekibiina kyammwe kye zaawaayo eri omulimu gw’okubuulira mu nsi yonna mu myezi esatu egyakayita era bwe kiba kyetaagisa okulongoosaamu, kyogereko. Weebaze ab’oluganda olw’obuwagizi bwabwe eri omulimu gw’okubuulira mu nsi yonna.

Ddak. 15: Ebyo ebyaliwo. Saba abakuwuliriza boogere ku ebyo ebyaliwo ebizimba nga bali mu lukuŋŋaana lwa district, bwe baali baweereza nga ba payoniya abawagizi, oba bwe beetaba mu nteekateeka endala zonna ez’eby’omwoyo.

Oluyimba 64 n’okusaba okufundikira.

[Obugambo obuli wansi]