Biki Bye Tuyiga mu Bayibuli?

Ddala tuli mu “nnaku ez’enkomerero”?

Wandizzeemu otya?

• Yee

• Nedda

• Kirabika

Bayibuli ky’egamba

“Mu nnaku ez’enkomerero, ebiseera biriba bizibu nnyo.” (2 Timoseewo 3:1) Obunnabi obuli mu Bayibuli n’ebiriwo mu nsi biraga nti tuli mu “nnaku ez’enkomerero.”

Ebirala bye tuyiga mu Bayibuli

• Mu nnaku ez’enkomerero wandibaddewo entalo, musisi, enjala, n’endwadde ez’amaanyi.​—Matayo 24:3, 7; Lukka 21:11.

• Mu nnaku ez’enkomerero, abantu bandibadde beeyisa bubi, era nga tebaagala Katonda.​—2 Timoseewo 3:2-5.

Ebiseera eby’omu maaso binaaba bitya?

Abantu abamu balowooza . . . nti ensi ejja kuzikirizibwa awamu n’abantu bonna abagiriko, ate abalala balowooza nti embeera ejja kutereera. Ggwe olowooza otya?

Bayibuli ky’egamba

“Abatuukirivu balisikira ensi, era baligibeeramu emirembe gyonna.”​—Zabbuli 37:29.

Ebirala bye tuyiga mu Bayibuli

• Katonda ajja kuggyawo ebintu ebibi byonna.​—1 Yokaana 2:17.

• Ensi ejja kulongoosebwa ebeere ng’erabika bulungi nnyo.​—Isaaya 35:1, 6.