Ogw’okusoma Mu Kibiina

EKIGENDERERWA KY’EBITUNDU EBY’OKUSOMA

EKITUNDU EKY’OKUSOMA 1 OLUPAPULA 3-7

Kabaka Dawudi owa Isiraeri yali assa nnyo ekitiibwa mu linnya lya Yakuwa era yayagalanga nnyo okukola Katonda by’ayagala. Ate era yali ategeera bulungi emisingi egiri mu Mateeka ga Katonda era yasaba Katonda amuyigirize okukola by’ayagala. Ekitundu kino kiraga ensonga lwaki kikulu nnyo okutunuulira ebintu nga Yakuwa bw’abitunuulira.

EBITUNDU EBY’OKUSOMA 2, 3 OLUPAPULA 10-19

Abakristaayo ab’amazima basaanidde okuba abeetoowaze. Ekitundu eky’okubiri kiraga engeri Yesu gye yayolekamu obwetoowaze n’engeri gye tuyinza okumukoppa. Ekitundu eky’okusatu kiraga engeri gye tuyinza okukyoleka mu bulamu bwaffe nti twetwala okuba aba wansi.

EBITUNDU EBY’OKUSOMA 4, 5 OLUPAPULA 21-30

Ebitundu bino bijja kutuyamba okukiraba nti Yakuwa mwetegefu okusonyiwa abantu ne bwe baba nga bakoze ebibi eby’amaanyi. Oluusi kiyinza okutuzibuwalira okusonyiwa abalala. Naye ebyo bye tusoma mu Bayibuli bisobola okutuyamba okuba abeetegefu okusonyiwa abalala.