Ekyaliwo Ekisingira Ddala Obukulu mu Byafaayo

KWALI kufa kwa Yesu Kristo. Lwaki kwali kukulu nnyo? Waliwo ensonga eziwerako.

Obwesigwa bwa Yesu okutuukira ddala ku kufa bwawa obukakafu nti omuntu asobola okubeera omwesigwa eri Katonda.

Okufa kwa Kristo kwawa abamu omukisa ogw’okufugira awamu naye mu ggulu. Era kuwadde abalala bangi omukisa ogw’okufuna obulamu obutaggwaawo mu lusuku lwa Katonda ku nsi.

Akawungeezi akaasembayo nga tannaba kufa, Yesu yakozesa omugaati ogutaliimu kizimbulukusa n’enviinyo emmyufu ng’obubonero obukiikirira ssaddaaka ye ey’okwagala. Era yagamba abayigirizwa be: “Mukolenga bwe mutyo okunjijukiranga nze.” (Lukka 22:19) Onojjukira ekyaliwo ekyo ekikulu ennyo?

Abajulirwa ba Yakuwa bakwaniriza n’essanyu obeegattako nga bajjukira okufa kwa Yesu. Omwaka guno, omukolo ogwo gujja kubaawo ku Lwakuna nga Maaki 28, oluvannyuma lw’enjuba okugwa. Oyinza okugenda mu Kizimbe ky’Obwakabaka ekikuli okumpi. Buuza Abajulirwa ba Yakuwa abali mu kitundu kyo ekiseera kyennyini n’ekifo awanaabeera omukolo ogwo.