Ennyanjula yʼEkitundu 11

Ekitundu kino kyanjula Ebyawandiikibwa eby’Oluyonaani. Yesu yazaalibwa mu maka maavu, era baali babeera mu kabuga ka Isirayiri akatono. Kitaawe yali mubazzi era Yesu yakolanga naye. Yesu ye yali agenda okununula abantu. Yakuwa yalonda Yesu okuba Kabaka w’Obwakabaka obw’omu ggulu. Bw’oba ng’oli muzadde, yamba omwana wo okulaba engeri Yakuwa gye yayolekamu amagezi ng’alonda amaka Yesu mwe yandizaaliddwa n’embeera mwe yandikulidde. Muyambe okulaba engeri Yakuwa gye yakuumamu Yesu n’atattibwa Kerode, n’obukakafu obulaga nti tewali kisobola okulemesa Yakuwa kutuukiriza kigendererwa kye. Mulabe engeri Yakuwa gye yakwasaamu Yokaana obuvunaanyizibwa obw’okuteekerateekera Yesu ekkubo. Era mulabe engeri Yesu gye yakiraga okuviira ddala mu buto nti yali ayagala nnyo okukolera ku magezi agava eri Yakuwa.