We Jɔn Rayt

14 “Una nɔ wɔri.+ Una sho se una gɛt fet pan Gɔd+ ɛn una sho se una gɛt fet pan mi bak. 2 Bɔku ples de fɔ liv na mi Papa in os. If nɔto so i bi, a bin fɔ dɔn tɛl una; a de go fɔ go rɛdi ples fɔ una.+ 3 Dɔn we a go rɛdi ples fɔ una, a go kam bak ɛn kɛr una go usay a de, so dat usay a de na de unasɛf go de.+ 4 Ɛn una no di rod fɔ go usay a de go.”

5 Tɔmɔs+ aks am se: “Masta, wi nɔ no usay yu de go. So aw wi go no di rod?”

6 Jizɔs tɛl am se: “Na mi na di rod,+ di trut,+ ɛn di layf.+ Nɔbɔdi nɔ go kam to di Papa pas i pas tru mi.+ 7 If una bin no mi, una fɔ dɔn no mi Papa bak; frɔm naw una dɔn no am ɛn una dɔn si am.”+

8 Filip tɛl am se: “Masta, sho wi di Papa, ɛn wi go satisfay.”

9 Jizɔs aks am se: “Filip, pan ɔl we a dɔn de wit una fɔ lɔng tɛm, yu stil nɔ no mi? Ɛnibɔdi we dɔn si mi dɔn si di Papa.+ So, wetin mek yu se, ‘Sho wi di Papa’? 10 Yu nɔ biliv se a gɛt wanwɔd wit di Papa ɛn di Papa gɛt wanwɔd wit mi?+ Nɔto wetin a want a de tɛl una,+ bɔt di Papa we de kɔntinyu fɔ gɛt wanwɔd wit mi nain de du in wok. 11 Biliv mi we a se a gɛt wanwɔd wit di Papa ɛn di Papa gɛt wanwɔd wit mi, ɔ biliv bikɔs ɔf di tin dɛn we a dɔn du.+ 12 Fɔ tru, a de tɛl una se ɛnibɔdi we sho se i gɛt fet pan mi go du di tin dɛn we a du; ɛn i go du tin dɛn we pas dɛn wan ya,+ bikɔs a de go to di Papa.+ 13 Ɛn ɛnitin we una yuz mi nem fɔ aks fɔ, a go du am, so dat di Papa go gɛt glori tru di Pikin.+ 14 If una yuz mi nem fɔ aks fɔ ɛnitin, a go du am.

15 “If una lɛk mi, una go obe mi lɔ+ dɛn. 16 Ɛn a go aks di Papa ɛn i go ɛp* una ɔda we. Da ɛp de go de wit una sote go,+ 17 dat na, di spirit we de sho di trut.+ Di wɔl nɔ go ebul gɛt am, bikɔs di wɔl nɔ de si am ɛn i nɔ no am.+ Una no am bikɔs i de wit una, ɛn i de insay una. 18 A nɔ go lɛf una de munin.* A de kam to una.+ 19 I nɔ go te igen, di wɔl nɔ go si mi igen, bɔt una go si mi,+ bikɔs a de liv ɛn una go liv. 20 Da de de, una go no se a gɛt wanwɔd wit mi Papa ɛn una gɛt wanwɔd wit mi ɛn a gɛt wanwɔd wit una.+ 21 Ɛnibɔdi we yɛri mi lɔ dɛn ɛn du dɛn na pɔsin we lɛk mi. Ɛn ɛnibɔdi we lɛk mi, mi Papa go lɛk am, ɛn a go lɛk am ɛn sho misɛf klia wan to am.”

22 Judas,+ nɔto Judas Iskariɔt, aks am se: “Masta, wetin dɔn apin we mek yu want fɔ sho yusɛf klia wan to wi, bɔt yu nɔ want fɔ du dat to di wɔl?”

23 Jizɔs tɛl am se: “If ɛnibɔdi lɛk mi, i go du wetin a se,+ ɛn mi Papa go lɛk am, ɛn wi go kam to am ɛn de wit am.+ 24 Ɛnibɔdi we nɔ lɛk mi nɔ de du wetin a se. Di tin dɛn we una yɛri a de tɔk, a nɔ de tɔk dɛn bay misɛf. Na di Papa we sɛn mi de tɛl mi wetin fɔ tɔk.+

25 “A dɔn tɛl una dɛn tin ya we a stil de wit una. 26 Bɔt di oli spirit we di Papa go yuz mi nem fɔ sɛn go ɛp una, bikɔs i go tich una ɔltin ɛn mek una mɛmba ɔl di tin dɛn we a dɔn tɛl una.+ 27 A lɛf una wit pis; a gi una mi pis.+ A nɔ de gi am to una di we aw di wɔl de gi am. Una nɔ wɔri, ɛn una nɔ fred. 28 Una bin yɛri we a tɛl una se, ‘A de go ɛn a go kam bak to una.’ If una lɛk mi, una go gladi we a de go to di Papa, bikɔs di Papa pas mi.+ 29 So naw a dɔn tɛl una bifo i apin, so dat una go biliv we i apin.+ 30 A nɔ go tɔk plɛnti to una igen, bikɔs di wan we de rul di wɔl+ de kam, bɔt i nɔ ebul mi.*+ 31 Bɔt fɔ mek di wɔl no se a lɛk di Papa, a de du wetin di Papa dɔn tɛl mi fɔ du lɛk aw i tɛl mi.+ Una grap, lɛ wi go.