Nɔmbaz

29 “‘Insay di fɔs de na di mɔnt we mek sɛvin, una fɔ gɛt oli kɔnvɛnshɔn. Una nɔ fɔ du ɛni tranga wok.+ Na de we una fɔ blo di trɔmpɛt.+ 2 Una fɔ mek bɔn ɔfrin fɔ mek Jiova smɛl fayn sɛnt.* Di bɔn ɔfrin fɔ bi wan yɔŋ man kaw, wan man ship, ɛn sɛvin yɔŋ man ship dɛn we ol wan ia. Dɛn ɔl nɔ fɔ gɛt wan bɔt, 3 ɛn dɛn fud ɔfrin fɔ bi fayn flawa we dɛn miks wit ɔyl. Una fɔ sheb wan ifah to tɛn pat ɛn gi tri pat fɔ di man kaw. Una fɔ sheb bak wan ifah to tɛn pat ɛn gi tu pat fɔ di man ship, 4 ɛn una fɔ sheb wan ifah to tɛn pat ɛn gi wan pat fɔ ɛniwan pan di sɛvin yɔŋ man ship dɛn. 5 Dɔn una fɔ gi wan yɔŋ man got as sin ɔfrin fɔ mek a fɔgiv una. 6 Una fɔ gi dɛn tin dɛn de apat frɔm di bɔn ɔfrin we una kin mek ɛvri mɔnt ɛn di fud ɔfrin+ ɛn di bɔn ɔfrin we una kin mek ɔltɛm ɛn in fud ɔfrin+ wit dɛn drink ɔfrin+ dɛn, akɔdin to wetin una fɔ du ɔltɛm fɔ dɛn as ɔfrin we dɛn mek wit faya fɔ mek Jiova smɛl fayn sɛnt.*

7 “‘Di de we mek tɛn insay dis mɔnt we mek sɛvin, una fɔ gɛt oli kɔnvɛnshɔn,+ ɛn una fɔ sɔfa unasɛf.* Una nɔ fɔ du ɛni wok.+ 8 Una fɔ mek bɔn ɔfrin fɔ mek Jiova smɛl fayn sɛnt.* Di bɔn ɔfrin fɔ bi wan yɔŋ man kaw, wan man ship, ɛn sɛvin yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 9 Ɛn dɛn fud ɔfrin fɔ bi fayn flawa we dɛn miks wit ɔyl. Una fɔ sheb wan ifah to tɛn pat ɛn gi tri pat fɔ di man kaw, ɛn una fɔ sheb wan ifah to tɛn pat ɛn gi tu pat fɔ di wan man ship. 10 Una fɔ sheb wan ifah to tɛn pat ɛn gi wan pat fɔ ɛniwan pan di sɛvin yɔŋ man ship dɛn, 11 wit wan yɔŋ got as sin ɔfrin fɔ mek a fɔgiv una+ ɛn di bɔn ɔfrin we dɛn kin mek ɔltɛm ɛn in fud ɔfrin wit dɛn drink ɔfrin dɛn.

12 “‘Dɔn di de we mek 15 insay di mɔnt we mek sɛvin, una fɔ gɛt oli kɔnvɛnshɔn. Una nɔ fɔ du ɛni tranga wok, ɛn una fɔ mek fɛstival fɔ Jiova fɔ sɛvin dez.+ 13 Ɛn una fɔ mek bɔn ɔfrin,+ dat na, ɔfrin we dɛn mek wit faya fɔ mek Jiova smɛl fayn sɛnt.* Di bɔn ɔfrin fɔ bi 13 yɔŋ man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 14 Ɛn dɛn fud ɔfrin fɔ bi fayn flawa we dɛn miks wit ɔyl. Una fɔ sheb wan ifah to tɛn pat ɛn gi tri pat fɔ ɛniwan pan di 13 man kaw dɛn, ɛn una fɔ sheb wan ifah to tɛn pat ɛn gi tu pat fɔ ɛniwan pan di 2 man ship dɛn. 15 Dɔn una fɔ sheb wan ifah to tɛn pat ɛn gi wan pat fɔ ɛniwan pan di 14 yɔŋ man ship dɛn, 16 wit wan yɔŋ got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin.+

17 “‘Di sɛkɔn de, una fɔ gi 12 yɔŋ man ship dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 18 Ɛn una fɔ gi di fud ɔfrin ɛn di drink ɔfrin dɛn fɔ di man kaw dɛn, di man ship dɛn, di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 19 wit wan yɔŋ got as sin ɔfrin apat frɔm di bɔn ɔfrin we dɛn kin mek ɔltɛm ɛn in fud ɔfrin wit dɛn drink ɔfrin+ dɛn.

20 “‘Di tɔd de, una fɔ gi 11 man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 21 Una fɔ gi di fud ɔfrin ɛn di drink ɔfrin dɛn fɔ di man kaw dɛn, di man ship dɛn, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 22 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin+ dɛn.

23 “‘Di de we mek 4, una fɔ gi 10 man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 24 Una fɔ gi di fud ɔfrin ɛn di drink ɔfrin fɔ di man kaw dɛn, di man ship dɛn, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 25 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin+ dɛn.

26 “‘Di de we mek fayv, una fɔ gi 9 man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 27 Una fɔ gi di fud ɔfrin ɛn di drink ɔfrin fɔ di man kaw dɛn, di man ship dɛn, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 28 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin+ dɛn.

29 “‘Di de we mek siks, una fɔ gi 8 man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 30 Una fɔ gi di fud ɔfrin ɛn di drink ɔfrin fɔ di man kaw dɛn, di man ship dɛn, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 31 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin+ dɛn.

32 “‘Di de we mek sɛvin, una fɔ gi 7 man kaw dɛn, 2 man ship dɛn, ɛn 14 yɔŋ man ship dɛn we ol wan ia. Dɛn ɔl nɔ fɔ gɛt wan bɔt.+ 33 Una fɔ gi di fud ɔfrin ɛn di drink ɔfrin fɔ di man kaw dɛn, di man ship dɛn, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 34 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin+ dɛn.

35 “‘Di de we mek et, una fɔ gɛt oli asɛmbli. Una nɔ fɔ du ɛni tranga wok.+ 36 Una fɔ mek bɔn ɔfrin we na ɔfrin we dɛn mek wit faya fɔ mek Jiova smɛl fayn sɛnt.* Di bɔn ɔfrin fɔ bi wan yɔŋ man kaw, wan man ship, ɛn sɛvin yɔŋ man ship dɛn we ol wan ia. Dɛn ɔl nɔ fɔ gɛt wan bɔt,+ 37 ɛn una fɔ gi di fud ɔfrin dɛn ɛn di drink ɔfrin dɛn fɔ di man kaw, di man ship, ɛn di yɔŋ man ship dɛn akɔdin to dɛn nɔmba ɛn akɔdin to wetin dɛn fɔ du ɔltɛm, 38 wit wan got as sin ɔfrin apat frɔm di bɔn ɔfrin we dɛn kin mek ɔltɛm, in fud ɔfrin, ɛn in drink ɔfrin.+

39 “‘Na dɛn sakrifays dɛn ya una fɔ mek to Jiova insay una fɛstival dɛn bay sizin,+ apat frɔm una vaw ɔfrin+ dɛn, ɛn una ɔfrin dɛn we unasɛf sɛf kin disayd fɔ gi+ as una bɔn ɔfrin+ dɛn, una fud ɔfrin+ dɛn, una drink ɔfrin+ dɛn, ɛn una pis sakrifays+ dɛn.’” 40 Mozis tɛl di Izrɛlayt dɛn ɔl wetin Jiova bin dɔn kɔmand am.