Livitikɔs
9 Di de we mek et,+ Mozis kɔl Erɔn, in bɔypikin dɛn, ɛn di bigman dɛn na Izrɛl. 2 I tɛl Erɔn se: “Tek wan yɔŋ kaw fɔ sin ɔfrin+ ɛn wan man ship fɔ bɔn ɔfrin ɛn kam wit am bifo Jiova fɔ yusɛf; dɛn nɔ fɔ gɛt wan bɔt. 3 Bɔt yu fɔ tɛl di Izrɛlayt dɛn se, ‘Una fɔ tek wan man got fɔ sin ɔfrin, wan yɔŋ kaw ɛn wan yɔŋ man ship fɔ bɔn ɔfrin. Ich wan pan dɛn fɔ ol wan ia ɛn dɛn nɔ fɔ gɛt wan bɔt. 4 Ɛn una fɔ kam wit wan man kaw ɛn wan man ship fɔ pis sakrifays+ dɛn, fɔ sakrifays dɛn bifo Jiova, ɛn una fɔ gi fud ɔfrin+ we miks wit ɔyl, bikɔs tide Jiova go apia to una.’”+
5 So dɛn kɛr wetin Mozis bin dɔn tɛl dɛn fɔ kɛr go bifo di mitin tɛnt. Dɔn ɔl di pipul dɛn kam tinap bifo Jiova. 6 Na de Mozis tɛl dɛn se: “Na dis Jiova se una fɔ du, so dat Jiova in glori go apia to una.”+ 7 Dɔn Mozis tɛl Erɔn se: “Go na di ɔlta ɛn mek sin ɔfrin+ ɛn bɔn ɔfrin fɔ yusɛf, fɔ mek Gɔd fɔgiv yu+ ɛn di wan dɛn we de na yu famili; afta dat, mek di ɔfrin fɔ di pipul+ dɛn, fɔ mek Gɔd fɔgiv dɛn,+ jɔs lɛk aw Jiova bin dɔn se.”
8 Erɔn go nia di ɔlta wantɛm wantɛm ɛn kil di kaw pikin we na di sin ɔfrin we de fɔ am.+ 9 Dɔn in bɔypikin dɛn gi am di blɔd,+ ɛn i put in finga insay di blɔd ɛn put am pan di ɔn dɛn na di ɔlta, dɔn i tɔn di balans blɔd we lɛf dɔŋ di ɔlta.+ 10 I mek di fat, di kidni dɛn, ɛn di fat we de pan di liva we kɔmɔt pan di sin ɔfrin bɔn na di ɔlta fɔ mek i pul smok, jɔs lɛk aw Jiova bin dɔn tɛl Mozis.+ 11 Ɛn i pul di flɛsh ɛn di kanda kɔmɔt na di kamp+ ɛn bɔn dɛn wit faya.
12 Dɔn Erɔn kil di bɔn ɔfrin, ɛn in bɔypikin dɛn gi am di blɔd, dɔn i sprinkul am na ɔl di sayd dɛn na di ɔlta.+ 13 Dɔn dɛn gi am di pat dɛn we dɛn dɔn kɔt kɔt pan di bɔn ɔfrin wit di ed, ɛn i bɔn dɛn na di ɔlta fɔ mek smok kɔmɔt pan dɛn. 14 Pantap dat, i was di gɔt dɛn ɛn di fut dɛn ɛn bɔn dɛn fɔ mek dɛn pul smok pan di bɔn ɔfrin na di ɔlta.
15 Dɔn i mek di ɔfrin fɔ di pipul dɛn ɛn tek di got we na di sin ɔfrin we bin de fɔ di pipul dɛn, i kil am, ɛn mek sin ɔfrin wit am lɛk di fɔs wan. 16 Ɛn i mek di bɔn ɔfrin lɛk aw dɛn fɔ du am.+
17 Afta dat, i mek di fud ɔfrin;+ i ful-ɔp in an wit sɔm pan di fud ɔfrin ɛn mek i bɔn na di ɔlta fɔ mek i pul smok, apat frɔm di bɔn ɔfrin we i bin dɔn mek na mɔnin.+
18 Afta dat, Erɔn kil di man kaw ɛn di man ship fɔ di pis sakrifays we bin de fɔ di pipul dɛn. Dɔn in bɔypikin dɛn gi am di blɔd, ɛn i sprinkul am rayt rawnd di ɔlta+ ɛn na ɔl di sayd dɛn. 19 As fɔ di man kaw in fat,+ di man ship in tel we bɔmp, di fat we kɔba di pat dɛn we de insay, di kidni dɛn, ɛn di fat we de pan di liva,+ 20 dɛn put ɔl dɛn fat ya pan di chɛst dɛn, afta dat, i mek dɛn bɔn na di ɔlta+ so dat dɛn go pul smok. 21 Bɔt Erɔn wev di chɛst dɛn ɛn di rayt lɛg go bifo ɛn biɛn as wev ɔfrin bifo Jiova, jɔs lɛk aw Mozis bin dɔn se.+
22 Dɔn Erɔn stret in an to di pipul dɛn ɛn blɛs dɛn,+ ɛn i kam dɔŋ frɔm di say we i bin de mek sin ɔfrin, bɔn ɔfrin, ɛn pis sakrifays dɛn. 23 Faynali, Mozis ɛn Erɔn go insay di mitin tɛnt ɛn kɔmɔt na do, dɔn dɛn blɛs di pipul+ dɛn.
Na de Jiova in glori apia to ɔl di pipul+ dɛn, 24 dɔn faya kɔmɔt frɔm Jiova+ ɛn bigin bɔn di bɔn ɔfrin ɛn di fat dɛn we bin de na di ɔlta. We ɔl di pipul dɛn si dat, dɛn bigin ala ɛn butu wit dɛn fes dɛn na grɔn.+