Sam

2 Wetin mek di neshɔn dɛn vɛks

Ɛn di pipul dɛn de tɔk* tin dɛn we nɔ gɛt wan valyu?+

 2 Di kiŋ dɛn na di wɔl dɔn tinap

Ɛn di bigman dɛn dɔn gɛda togɛda as wan grup+

Agens Jiova ɛn agens di wan we i dɔn anɔynt.*+

 3 Dɛn tɔk se: “Lɛ wi pwɛl dɛn chen dɛn

Ɛn lus dɛn rop dɛn!”

 4 Di Wan we sidɔm na di tron na ɛvin go laf;

Jiova go provok dɛn.

 5 Da tɛm de, i go tɔk to dɛn wit wamat;

I go mek dɛn fred bikɔs in at wam bad bad wan.

 6 I se: “Na misɛf sɛf pik mi kiŋ+

Na Zayɔn,+ we na mi oli mawntin.”

I tɛl mi se: “Yu na mi bɔypikin;+

Tide, a dɔn bi yu papa.+

 9 Yu go yuz ayɛn staf fɔ dɔnawe wit dɛn,+

Ɛn yu go smash dɛn lɛk kɔntri pɔt.”+

10 So naw, una dɛn kiŋ dɛn, una sho se una gɛt sɛns;

Una di jɔj dɛn na di wɔl, una gri fɔ tek kɔrɛkshɔn.

11 Fred Jiova we yu de wɔship am,

Sho rɛspɛkt we yu de gladi.

12 Ɔnɔ* Gɔd in bɔypikin.+ If nɔto dat, Gɔd go vɛks bad bad wan;

I go dɔnawe wit yu,+

Bikɔs I de vɛks kwik kwik wan.