2 Kronikul

6 Na de Sɔlɔmɔn tɔk se: “Jiova se i go de insay di dak klawd.+ 2 A dɔn bil wan wɔndaful os fɔ yu, wan ples usay yu go de sote go.”+

3 Dɔn di kiŋ tɔn ɛn bigin fɔ blɛs ɔl di Izrɛlayt dɛn we gɛda; di pipul dɛn bin tinap we i de blɛs dɛn.+ 4 I tɔk se: “Mek Jiova we na Izrɛl in Gɔd gɛt prez, di wan we insɛf sɛf bin prɔmis mi papa Devid, ɛn we dɔn du wetin i prɔmis we i se, 5 ‘Frɔm di de we a pul mi pipul dɛn kɔmɔt na Ijipt, a nɔ pik wan siti yet pan di trayb dɛn na Izrɛl usay dɛn go bil os so dat mi nem go kɔntinyu fɔ de de,+ ɛn a nɔ pik pɔsin we go bi lida oba mi pipul dɛn we na di Izrɛlayt dɛn. 6 Bɔt a dɔn pik Jerusɛlɛm+ fɔ lɛ mi nem kɔntinyu fɔ de de, ɛn a dɔn pik Devid fɔ de oba mi pipul dɛn we na di Izrɛlayt+ dɛn.’ 7 Ɛn mi papa Devid bin rili want fɔ bil os fɔ ɔnɔ Jiova we na Izrɛl in Gɔd in nem.+ 8 Bɔt Jiova tɛl mi papa Devid se, ‘Yu bin rili want fɔ bil os fɔ ɔnɔ mi nem, ɛn yu du wɛl we yu bin want fɔ du dat. 9 Bɔt nɔto yu go bil di os, na yu bɔypikin we yu go bɔn nain go bil os fɔ ɔnɔ mi nem.’+ 10 Jiova dɔn du wetin i prɔmis, bikɔs a dɔn tek mi papa Devid in ples ɛn sidɔm na di tron na Izrɛl,+ jɔs lɛk aw Jiova bin dɔn prɔmis.+ Dɔn bak, a dɔn bil os fɔ ɔnɔ Jiova we na Izrɛl in Gɔd in nem, 11 ɛn a dɔn put di Bɔks we gɛt di agrimɛnt de,+ we Jiova bin mek wit di Izrɛlayt dɛn.”

12 Dɔn i tinap bifo Jiova in ɔlta bifo ɔl di Izrɛlayt dɛn, ɛn i opin in an+ dɛn. 13 (Sɔlɔmɔn bin dɔn mek wan kɔpa platfɔm ɛn put am midul di kɔmpawn.+ Di platfɔm na bin fayv kyubit* lɔng, fayv kyubit wayd, ɛn tri kyubit ay; ɛn i tinap pan am.) Dɔn i nil dɔŋ bifo ɔl di Izrɛlayt dɛn ɛn opin in an dɛn ɛn es dɛn ɔp,+ 14 ɛn i tɔk se: “E Jiova di Gɔd na Izrɛl, no Gɔd nɔ de we tan lɛk yu na ɛvin ɛn na di wɔl, yu de kip to agrimɛnt ɛn yu de sho lɔv we nɔ de chenj to yu savant dɛn we de du wetin yu want wit ɔl dɛn at.+ 15 Yu dɔn kip di prɔmis we yu mek to yu savant Devid mi papa.+ Na yusɛf sɛf mek di prɔmis, ɛn tide yu dɔn du wetin yu prɔmis.+ 16 E Jiova di Gɔd na Izrɛl, kip di prɔmis we yu mek to yu savant Devid mi papa we yu bin se: ‘Pɔsin go ɔlwez de frɔm yu famili we go sidɔm na di tron na Izrɛl, if nɔmɔ yu bɔypikin dɛn go pe atɛnshɔn to wetin dɛn de du bay we dɛn de fala mi lɔ,+ jɔs lɛk aw yu dɔn du wetin a want.’+ 17 E Jiova di Gɔd na Izrɛl, lɛ di prɔmis we yu mek to yu savant Devid we na mi papa kam tru.

18 “Fɔ se Gɔd go rili liv na di wɔl?+ Di ɛvin, dat na, di ɛvin we de rayt rayt ɔp, nɔ du fɔ yu;+ wetin a go se naw bɔt dis os we a dɔn bil?+ 19 E Jiova mi Gɔd, pe atɛnshɔn to yu savant in prea ɛn to di beg we i de beg yu, ɛn lisin we i de kray to yu fɔ ɛp ɛn lisin to di pre we i de pre bifo yu. 20 Lɛ yu yay de pan dis os de ɛn nɛt, go de luk di ples we yu tɔk se yu go put yu nem,+ fɔ lisin to yu savant in prea we i fesin dis ples fɔ pre. 21 Lisin to yu savant we i beg yu ɛn lisin to yu pipul dɛn we na di Izrɛlayt dɛn we dɛn fesin dis ples+ we dɛn de pre to yu,+ ɛn duya yɛri na ɛvin usay yu de; duya, yɛri ɛn fɔgiv.+

22 “If pɔsin sin agens in kɔmpin ɛn dɛn mek lɛ i swɛ,* ɛn we i dɔn swɛ dɔn, i kam bifo yu ɔlta na dis os,+ 23 duya yɛri na ɛvin ɛn du sɔntin ɛn jɔj yu savant dɛn bay we yu de sho se di wan we wikɛd nain gilti ɛn mek di bad tin we i du kam pan am+ ɛn bay we yu de sho se na di wan we de du wetin rayt nain inosɛnt* ɛn blɛs am fɔ di rayt tin we i de du.+

24 “Ɛn if yu pipul dɛn ɛnimi dɛn win dɛn bikɔs dɛn kɔntinyu fɔ sin agens yu,+ ɛn dɛn kam bak to yu, dɛn prez yu nem,+ dɛn pre+ to yu, ɛn beg yu na dis os fɔ sɔri fɔ dɛn,+ 25 duya yɛri na ɛvin+ ɛn fɔgiv yu pipul dɛn we na di Izrɛlayt dɛn fɔ dɛn sin ɛn briŋ dɛn kam bak na di land we yu bin dɔn gi to dɛn ɛn dɛn gret gret granpa+ dɛn.

26 “We di skay lɔk ɛn no ren+ nɔ kam bikɔs dɛn kɔntinyu fɔ sin agens yu,+ ɛn dɛn fesin dis ples ɛn pre, dɛn prez yu nem ɛn dɛn lɛf fɔ sin bikɔs yu mek dɛn ɔmbul,*+ 27 duya yɛri na ɛvin ɛn fɔgiv yu savant dɛn sin, dat na, yu pipul dɛn we na di Izrɛlayt dɛn, bikɔs yu go tich dɛn di gud we aw dɛn fɔ waka;+ ɛn mek ren kam+ na yu land we yu dɔn gi yu pipul dɛn as prɔpati.

28 “If bad bad angri kam na di land,+ ɔ sik we de prɛd,+ briz we wam, di plant dɛn de sik,+ grasɔpa* dɛn we machɔ kam, ɔ grasɔpa* dɛn we de it ɔltin+ kam ɔ if dɛn ɛnimi dɛn sɔrawnd dɛn na ɛniwan pan di siti dɛn na di land+ ɔ ɛni ɔda kayn siknɛs mit dɛn,+ 29 ɛni prea,+ ɛnitin we pɔsin ɔ ɔl yu pipul dɛn na Izrɛl beg+ fɔ (bikɔs ɔlman no wetin de mɔna am ɛn ɔlman no in pen)+ we dɛn opin dɛn an ɛn fesin dis os,+ 30 duya yɛri na ɛvin, di say we yu de,+ ɛn fɔgiv;+ ɛn pe ɔlman akɔdin to wetin i de du, bikɔs na yu no wetin de nain at (na yu nɔmɔ rili no wetin de na mɔtalman in at),+ 31 so dat dɛn go fred yu bay we dɛn du wetin yu want ɔl di tɛm we dɛn de na di land we yu bin dɔn gi to wi gret gret granpa dɛn.

32 “Ɛn fɔ di fɔrina we nɔ de pat ɔf yu pipul dɛn na Izrɛl ɛn we kɔmɔt fa fa say bikɔs ɔf yu gret nem*+ ɛn yu pawaful an ɛn yu an we yu kin strɛch fɔ du sɔntin, ɛn i kam ɛn fesin dis os ɛn pre,+ 33 duya lisin na ɛvin, di say we yu de, ɛn du ɔl wetin di fɔrina aks fɔ, so dat ɔl di pipul dɛn na di wɔl go no yu nem+ ɛn fred yu, jɔs lɛk aw yu pipul dɛn na Izrɛl de du, ɛn dɛn go no se yu nem de pan dis os we a dɔn bil.

34 “If yu sɛn yu pipul dɛn fɔ go fɛt dɛn ɛnimi dɛn, ilɛk usay yu sɛn dɛn,+ ɛn dɛn pre+ to yu ɛn fesin di siti we yu dɔn pik ɛn fesin di os we a dɔn bil fɔ ɔnɔ yu nem,+ 35 yɛri dɛn prea na ɛvin ɛn di beg we dɛn de beg yu ɛn du sɔntin fɔ ɛp dɛn.+

36 “If dɛn sin agens yu (bikɔs nɔbɔdi nɔ de we nɔ de sin),+ ɛn yu vɛks pan dɛn ɛn yu lɛf dɛn na dɛn ɛnimi dɛn an, ɛn dɛn ɛnimi dɛn kech dɛn ɛn kɛr dɛn go na dɛn land, ilɛksɛf di ples de fa ɔ i de nia,+ 37 ɛn we dɛn de na di land usay dɛn dɔn kɛr dɛn go, dɛn kam si se dɛn dɔn du bad, ɛn dɛn kam bak to yu ɛn beg yu na di land usay dɛn ɛnimi dɛn kɛr dɛn go, dɛn tɔk se, ‘Wi dɔn sin ɛn du wetin bad; wi dɔn du tin we wikɛd,’+ 38 ɛn dɛn tɔn to yu wit ɔl dɛn at+ ɛn wit ɔl dɛn layf* na di land we dɛn kɛr dɛn go afta dɛn kapchɔ dɛn,+ ɛn dɛn fesin di land we yu gi to dɛn gret gret granpa dɛn ɛn di siti we yu dɔn pik+ ɛn di os we a dɔn bil fɔ ɔnɔ yu nem ɛn dɛn pre to yu, 39 yɛri dɛn prea ɛn di beg we dɛn beg yu na ɛvin, na di say we yu de, ɛn du sɔntin fɔ ɛp dɛn+ ɛn fɔgiv yu pipul dɛn we dɔn sin agens yu.

40 “E mi Gɔd, duya, pe atɛnshɔn ɛn lisin di pre we dɛn de pre na dis ples.+ 41 E Jiova, go ɔp na di say we yu de rɛst,+ yu ɛn di Agrimɛnt Bɔks* we de sho se yu gɛt pawa. E Jiova, lɛ yu prist dɛn sho se yu ebul sev pipul dɛn, ɛn lɛ yu fetful savant dɛn gladi bikɔs ɔf di gud tin dɛn we yu du.+ 42 E Jiova Gɔd, nɔ tɔn yu bak pan di wan we yu dɔn anɔynt.+ Duya mɛmba yu lɔv we nɔ de chenj to Devid we na yu savant.”+