2 Kronikul

4 Dɔn i mek di kɔpa ɔlta+ we na bin 20 kyubit lɔng, 20 kyubit wayd, ɛn 10 kyubit ay.

2 Dɔn i mek* mɛtal wata tank.+ I bin rawnd ɛn frɔm wan pat na di mɔt to di ɔda pat na di mɔt na bin 10 kyubit ɛn in ayt na bin 5 kyubit, ɛn di mɛzhɔmɛnt rawnd am na bin 30 kyubit.+ 3 Rawnd rawnd dɛkɔreshɔn+ dɛn bin de ɔnda di tank in mɔt, dɛn bin de rayt rawnd am; ɛvri wan kyubit na di wata tank bin gɛt tɛn rawnd rawnd dɛkɔreshɔn ɛn di rawnd rawnd dɛkɔreshɔn dɛn bin de na tu ro, ɛn i mek* dɛn as wan wit di wata tank. 4 I bin tinap pan 12 man kaw+ dɛn, 3 tɔn to di nɔt, 3 tɔn to di wɛst, 3 tɔn to di sawt, ɛn 3 tɔn to di ist; ɛn di wata tank bin de pantap dɛn, ɛn ɔl dɛn fut dɛn we de biɛn bin tɔn to di midul. 5 Ɛn in tiknɛs na bin wan anbrɛt;* ɛn in mɔt bin tan lɛk kɔp in mɔt, lɛk lili* flawa. Na 3,000 bat* wata bin de go insay de.

6 Apat frɔm dat, i mek tɛn besin dɛn fɔ was; i put fayv na di raytan say ɛn fayv na di lɛftan+ say. Na de dɛn bin de rens di tin dɛn we gɛt fɔ du wit di bɔn ɔfrin.+ Bɔt di wata tank nain di prist dɛn bin de yuz fɔ was.+

7 Dɔn i mek tɛn gold+ lampstand dɛn, jɔs lɛk aw dɛn bin sho am,+ ɛn i put dɛn na di tɛmpul, i put fayv na di raytan say ɛn fayv na di lɛftan say.+

8 Dɔn i mek tɛn tebul dɛn ɛn put dɛn na di tɛmpul, fayv na di raytan say ɛn fayv na di lɛftan say;+ ɛn i mek 100 gold bol dɛn.

9 Dɔn i mek di kɔmpawn+ fɔ di prist+ dɛn ɛn di big kɔmpawn+ ɛn di domɔt dɛn fɔ di kɔmpawn, ɛn i kɔba di domɔt dɛn wit kɔpa. 10 I put di wata tank na di raytan say, bitwin di sawt pat ɛn di ist pat.+

11 Dɔn Ayram mek bak di kan dɛn, di shɔvɛl dɛn, ɛn di bol+ dɛn.

So Ayram dɔn di wok we i bin de du fɔ Kiŋ Sɔlɔmɔn na di tru Gɔd in os:+ 12 I mek di tu pila+ dɛn ɛn di dizayn dɛn we fiba bol we de ɔntɔp di tu pila dɛn; di tu dɛkɔreshɔn+ dɛn we tan lɛk nɛt fɔ kɔba di tu dizayn dɛn we fiba bol we de ɔntɔp di pila dɛn; 13 di 400 pomegranet+ dɛn fɔ di tu dɛkɔreshɔn dɛn we fiba nɛt, tu ro pomegranet fɔ ɛniwan pan di dɛkɔreshɔn dɛn we fiba nɛt, fɔ kɔba di tu dizayn dɛn we tan lɛk bol we de pan di tu pila+ dɛn; 14 Di tɛn stand+ dɛn we gɛt wil ɛn di tɛn besin dɛn we de pan dɛn; 15 di wata tank ɛn di 12 man kaw dɛn we bin de ɔnda am;+ 16 ɛn di kan dɛn fɔ ashis, di shɔvɛl dɛn, di stika+ dɛn, ɛn ɔl di tin dɛn we Ayram-ebiv+ mek wit kɔpa we de shayn fɔ Kiŋ Sɔlɔmɔn we go de na Jiova in os. 17 Di kiŋ mek dɛn na di Jɔdan distrikt insay tik kle we de bitwin Sɔkɔt+ ɛn Zɛrida. 18 Sɔlɔmɔn mek ɔl dɛn tin ya bɔku bɔku wan; dɛn nɔ bin no di kɔpa in wet.+

19 Sɔlɔmɔn mek ɔl di tin+ dɛn fɔ di tru Gɔd in os: di gold+ ɔlta, tebul+ dɛn we gɛt di shobred;*+ 20 di lampstand dɛn ɛn di lamp dɛn we dɛn mek wit piɔ gold+ fɔ layt dɛn bifo di rum we de insay insay jɔs lɛk aw dɛn bin dɔn se; 21 ɛn di flawa dɛn, di lamp dɛn, ɛn di tin dɛn fɔ ol di wik, na gold dɛn tek mek dɛn ɔl, gold we piɔ pas ɔl; 22 di tin dɛn fɔ trim di wik, di bol dɛn, di kɔp dɛn, di tin dɛn fɔ put faya pan, dɛn mek dɛn wit piɔ gold; ɛn di say fɔ go insay di os, di domɔt dɛn we de insay fɔ di Ples we Oli Pas Ɔl,+ ɛn di domɔt dɛn na di tɛmpul, na gold+ dɛn tek mek dɛn.