1 Kronikul
7 Isaka in bɔypikin dɛn na bin Tola, Pua, Jeshɔb, ɛn Shimrɔn;+ na dɛn 4. 2 Tola in bɔypikin dɛn na bin Ɔzay, Refea, Jiriɛl, Jamay, Ibsam, ɛn Shɛmuɛl. Na dɛn bin de bifo na dɛn papa say. Ɔl di wan dɛn na Tola in famili layn na bin pawaful fɛtman dɛn. Insay Devid in tɛm, na bin dɛn 22,600. 3 Ɔzay in bɔypikin dɛn na bin Izraaya, ɛn Izraaya in bɔypikin dɛn na bin Maykɛl, Obadaya, Joɛl, ɛn Ishaya. Dɛn ɔl fayv na bin chif dɛn. 4 Ɛn dɛn pikin dɛn bin de wit dɛn akɔdin to dɛn famili. Dɛn bin gɛt 36,000 fɛtman dɛn na dɛn ami we bin rɛdi fɔ fɛt bikɔs dɛn bin gɛt bɔku wɛf dɛn ɛn bɔypikin dɛn. 5 Ɛn ɔl dɛn brɔda dɛn na Isaka dɛn famili na pawaful fɛtman dɛn; na dɛn 87,000 bin de na dɛn famili list.+
6 Bɛnjamin+ in bɔypikin dɛn na bin Bila,+ Bika,+ ɛn Jidayaɛl;+ na dɛn tri. 7 Ɛn Bila in bɔypikin dɛn na bin Ɛzbɔn, Ɔzay, Ɔziɛl, Jɛrimɔt, ɛn Ayray; na dɛn fayv. Dɛn ɔl fayv bin de bifo na dɛn papa say, ɛn dɛn na bin pawaful fɛtman dɛn; na dɛn 22,034 bin de na dɛn famili list.+ 8 Ɛn Bika in bɔypikin dɛn na bin Zimayra, Joash, Ɛlieza, Ɛlioinay, Ɔmray, Jɛrimɔt, Abayja, Anatɔt, ɛn Alɛmɛt. Dɛn ɔl na bin Bika in bɔypikin dɛn. 9 Di pikin dɛn na di famili list akɔdin to di wan dɛn we de bifo na dɛn papa say na bin 20,200 pawaful fɛtman dɛn. 10 Ɛn Jidayaɛl+ in bɔypikin dɛn na bin Bilan, ɛn Bilan in bɔypikin dɛn na bin Jiɔsh, Bɛnjamin, Iud, Kɛneana, Zitan, Tashish, ɛn Aishaa. 11 Ɔl dɛn wan dɛn ya na Jidayaɛl in bɔypikin dɛn akɔdin to di wan dɛn we de bifo na dɛn papa say; dɛn bin gɛt 17,200 pawaful fɛtman dɛn we bin rɛdi fɔ go fɛt.
12 Di Shɔpim ɛn Ɔpim dɛn na bin Ia+ in bɔypikin dɛn; di Ushim dɛn na bin Ea in bɔypikin dɛn.
13 Naftalay in bɔypikin dɛn+ na Jaziɛl, Gunay, Jiza, ɛn Shalɔm we na Bila+ in pikin* dɛn.
14 Manasɛ+ in bɔypikin dɛn na bin Asriɛl we in ɔda wɛf we kɔmɔt Siria bɔn fɔ am. (I bɔn fɔ am Mekia+ we na Giliad in papa. 15 Mekia bin fɛn wɛf fɔ Ɔpim ɛn fɔ Shɔpim, ɛn in sista in nem na Meaka.) Di sɛkɔn wan in nem na bin Zɛlofead,+ bɔt na galpikin dɛn Zɛlofead bin bɔn.+ 16 Meaka, we na Mekia in wɛf, bɔn bɔypikin ɛn kɔl am Pirɛsh; ɛn in brɔda in nem na bin Shirɛsh; ɛn in bɔypikin dɛn na bin Yulam ɛn Rikɛm. 17 Ɛn Yulam in bɔypikin* na bin Bidan. Dɛn wan ya na Giliad in bɔypikin dɛn; Giliad na Mekia in bɔypikin, ɛn Mekia na Manasɛ in bɔypikin. 18 In sista na bin Amolikɛt. I bɔn Ishɔd, Abi-iza, ɛn Mala. 19 Ɛn Shimayda in bɔypikin dɛn na bin Aayan, Shikɛm, Likay, ɛn Anayam.
20 Ifrem+ in bɔypikin dɛn na bin Shutila,+ Shutila bɔn Birɛd, Birɛd bɔn Teat, Teat bɔn Ɛlieda, Ɛlieda bɔn Teat, 21 Teat bɔn Zebad, Zebad bɔn Shutila. Ifrem bɔn bak Iza ɛn Iliad. Di man dɛn na Gat+ we dɛn bɔn na di land kil dɛn bikɔs dɛn go dɔŋ de fɔ tek dɛn animal dɛn. 22 Ifrem we na dɛn papa munin fɔ lɔng tɛm, ɛn in brɔda dɛn kɔntinyu fɔ kam to am fɔ kɔrej am. 23 Afta dat, Ifrem ledɔm wit in wɛf, ɛn in wɛf gɛt bɛlɛ ɛn bɔn bɔypikin. Bɔt Ifrem kɔl am Bɛraya,* bikɔs in wɛf bɔn am di tɛm we trɔbul bin de na Ifrem in famili. 24 Ɛn in galpikin na bin Shiera, we bil Dɔŋ+ ɛn Ɔp Bɛt-orɔn+ ɛn Ɔzɛn-shiera. 25 In bɔypikin dɛn na bin Rifa ɛn Rishɛf, Rishɛf bɔn Tila, Tila bɔn Tean, 26 Tean bɔn Ledan, Ledan bɔn Amayud, Amayud bɔn Ɛlishama, 27 Ɛlishama bɔn Nɔn, ɛn Nɔn bɔn Jɔshwa.*+
28 Dɛn prɔpati ɛn dɛn vilej dɛn na Bɛtɛl+ ɛn di smɔl tɔŋ dɛn we de nia de, ɛn fɔ go bay di ist na Nearan, ɛn fɔ go bay di wɛst na Giza ɛn di smɔl tɔŋ dɛn we de nia de, ɛn Shikɛm ɛn di smɔl tɔŋ dɛn we de nia de, te go rich Aya* ɛn di smɔl tɔŋ dɛn we de nia de. 29 Na di ɔdasay na di bɔda, Manasɛ in pikin dɛn bin gɛt Bɛt-shian+ ɛn di smɔl tɔŋ dɛn we de nia de, Teanak+ ɛn di smɔl tɔŋ dɛn we de nia de, Mɛgido+ ɛn di smɔl tɔŋ dɛn we de nia de, ɛn Dɔ+ ɛn di smɔl tɔŋ dɛn we de nia de. Na dɛn say dɛn ya Josɛf ɛn in pikin dɛn bin de. Josɛf na Izrɛl in bɔypikin.
30 Asha in bɔypikin dɛn na Imna, Ishva, Ishvay, ɛn Bɛraya,+ ɛn dɛn sista na bin Sira.+ 31 Bɛraya in bɔypikin dɛn na Iba ɛn Malkiɛl, we na bin Biaziat in papa. 32 Iba bɔn Jaflɛt, Shoma, ɛn Otam, ɛn dɛn sista we na Shua. 33 Jaflɛt in bɔypikin dɛn na bin Pesak, Bimal, ɛn Ashvat. Na dɛn wan ya na Jaflɛt in bɔypikin dɛn. 34 Shima* in bɔypikin dɛn na bin Eay, Roga, Jɛɔba, ɛn Eram. 35 In brɔda we na Ilɛm* in yon bɔypikin dɛn na bin Zofa, Imna, Shilɛsh, ɛn Emal. 36 Zofa in bɔypikin dɛn na bin Sua, Anifa, Shual, Biray, Imra, 37 Biza, Ɔd, Shama, Shilsha, Itran, ɛn Biira. 38 Jita in bɔypikin dɛn na bin Jɛfunɛ, Pispa, ɛn Era. 39 Ɔla in bɔypikin dɛn na bin Era, Aniɛl, ɛn Rizaya. 40 Ɔl dɛn wan ya na Asha in bɔypikin dɛn we bin de bifo na dɛn papa say, man dɛn we dɛn pik, pawaful fɛtman dɛn, lida dɛn fɔ di chif* dɛn; ɛn dɛn nɔmba na di famili list+ na bin 26,000 man dɛn+ na di ami we bin de fɔ fɛt.