2 Samiɛl
16 We Devid bin de kam dɔŋ di mawntin,+ Zayba+ we na Mɛfiboshɛt+ in savant bin de dɔŋ de, de wet fɔ am wit sɔm dɔnki dɛn we bin tot 200 bred, 100 rezin kek, 100 fig kek ɛn tamaro, ɛn wan big kɔntri pɔt we gɛt wayn.+ 2 Na de di kiŋ aks Zayba se: “Wetin mek yu briŋ dɛn tin dɛn ya?” Zayba ansa am se: “Di dɔnki dɛn na fɔ di kiŋ in famili, di bred ɛn di frut dɛn na fɔ di yɔŋman dɛn fɔ it, ɛn di wayn na fɔ di wan dɛn we de taya na di wildanɛs.”*+ 3 Di kiŋ tɔk se: “We yu masta in pikin?”*+ Na de Zayba tɛl di kiŋ se: “I de na Jerusɛlɛm. I se, ‘Tide, di pipul dɛn na Izrɛl go gi mi bak mi papa in tron.’”+ 4 Di kiŋ tɛl Zayba se: “Luk! Ɔl wetin Mɛfiboshɛt gɛt go bi yu yon.”+ Zayba ansa di kiŋ se, “A butu bifo yu. Lɛ yu gladi fɔ mi, mi masta di kiŋ.”+
5 We Kiŋ Devid rich Baurim, wan man na Sɔl in famili we nem Shimiay,+ we na Gira in bɔypikin, bigin fɔ ala ɛn swɛ as i de go nia Devid.+ 6 I bin de sɛn ston pan Kiŋ Devid ɛn in savant dɛn, ɔl di pipul dɛn we bin de wit am ɛn di pawaful man dɛn we bin de nain raytan ɛn in lɛftan. 7 We Shimiay bin de swɛ, i bin de tɔk se: “Kɔmɔt na ya, kɔmɔt na ya, yu na man we gɛt pipul dɛn blɔd na yu ed! Yu na yuslɛs man! 8 Na Jiova de pe yu so fɔ we yu kil Sɔl ɛn in famili, ɛn we yu tek in ples as kiŋ, ɛn naw Jiova dɔn mek yu pikin Absalɔm bi kiŋ. So trɔbul dɔn fɔdɔm pan yu bikɔs yu na man we gɛt pipul dɛn blɔd na yu ed!”+
9 Na de Abishay we na Zɛruya+ in bɔypikin aks di kiŋ se: “Wetin mek dis day dɔg+ fɔ swɛ mi masta di kiŋ?+ Duya, lɛ a go mit am ɛn kɔt in ed kɔmɔt.”+ 10 Bɔt di kiŋ aks se: “Wetin na una yon de, Zɛruya in bɔypikin+ dɛn? Lɛ i swɛ mi,+ bikɔs na Jiova dɔn tɛl am+ se, ‘Swɛ Devid!’ So udat go se, ‘Wetin mek yu de du dis?’” 11 Na de Devid tɛl Abishay ɛn ɔl in savant dɛn se: “Luk! Mi yon bɔypikin, we mi sɛf sɛf bɔn, de fɛn we fɔ kil mi,+ wetin naw a go se bɔt pɔsin we na Bɛnjaminayt!+ Una lɛf am lɛ i swɛ mi, na Jiova dɔn tɛl am fɔ du dat! 12 Sɔntɛm Jiova go si mi pen,+ ɛn Jiova go du mi gud bak ɛn nɔ mek di swɛ we dɛn de swɛ mi tide kam pan mi.”+ 13 So Devid ɛn in man dɛn kɔntinyu fɔ waka dɔŋ di rod as Shimiay bin de waka ɔpozit Devid na di mawntin de ala as i de swɛ,+ ɛn i bin de sɛn ston ɛn bɔku dɔst.
14 Afta ɔl dis, di kiŋ ɛn ɔl di pipul dɛn we bin de wit am bin rich na di say usay dɛn bin de go dɛn taya taya wan, ɛn dɛn rɛst.
15 Dyurin da tɛm de, Absalɔm ɛn ɔl di man dɛn na Izrɛl rich na Jerusɛlɛm, ɛn Aitofɛl+ bin de wit am. 16 We Ushay,+ di Akayt,+ we na Devid in padi kam to Absalɔm, i tɛl Absalɔm se: “Lɛ di kiŋ gɛt lɔng layf!+ Lɛ di kiŋ gɛt lɔng layf!” 17 Na de Absalɔm aks Ushay se: “Na so yu de sho se yu nɔ de kɔmɔt biɛn* yu padi? Wetin mek yu nɔ go wit yu padi?” 18 Ushay ansa Absalɔm se: “Nɔ, a de sɔpɔt di wan we Jiova, dɛn pipul ya, ɛn ɔlman na Izrɛl dɔn pik. A go de wit am. 19 Ɛn a de tɔk bak se, Udat a fɔ wok fɔ? A nɔ fɔ wok fɔ in pikin? Jɔs lɛk aw a wok fɔ yu papa, na so a go wok fɔ yu.”+
20 Nain Absalɔm tɛl Aitofɛl se: “Advays mi.+ Wetin wi fɔ du?” 21 Aitofɛl tɛl Absalɔm se: “Du mami ɛn dadi biznɛs wit yu papa in ɔda wɛf+ dɛn, di wan dɛn we dɔn lɛf biɛn fɔ kia fɔ di os.*+ Da tɛm de, ɔlman na Izrɛl go yɛri se yu dɔn mek yu papa et yu, ɛn di wan dɛn we de sɔpɔt yu go gɛt maynd mɔ ɛn mɔ.” 22 So dɛn mek tɛnt fɔ Absalɔm pantap di os,+ ɛn Absalɔm du mami ɛn dadi biznɛs wit in papa in ɔda wɛf+ dɛn bifo ɔlman na Izrɛl.+
23 Dɛn tɛm dɛn de, dɛn bin de si Aitofɛl+ in advays lɛk se na frɔm di tru Gɔd i kɔmɔt. Na da we de Devid ɛn Absalɔm bin de si ɔl di advays we Aitofɛl bin de gi.