Jɛnɛsis
36 Dis na Isɔ in istri, dat na, Idɔm.+
2 Isɔ mared wɛf dɛn frɔm di uman dɛn na Kenan. I mared Eda+ we na Ilɔn di Itayt in galpikin,+ Oolibema+ we na Ena in galpikin ɛn we na Zibiɔn di Ayvayt in granpikin, 3 ɛn Basimat+ we na Ishmɛl in galpikin ɛn we na Nebeɔt+ in sista.
4 Eda bɔn Ɛlifaz fɔ Isɔ, ɛn Basimat bɔn Ruɛl,
5 ɛn Oolibema bɔn Jiɔsh, Jelam, ɛn Kora.+
Na dɛn wan dɛn ya na Isɔ in bɔypikin dɛn we dɛn bin bɔn fɔ am na Kenan. 6 Afta dat, Isɔ tek in wɛf dɛn, in bɔypikin dɛn, in galpikin dɛn, ɔl di wan dɛn we de nain os, ɔl in animal dɛn, ɛn ɔl di jɛntri+ we i bin dɔn gɛt na Kenan, dɔn i go na ɔda land we de fa smɔl frɔm in brɔda Jekɔp.+ 7 Dɛn prɔpati dɛn bin dɔn tu bɔku fɔ mek dɛn de togɛda, ɛn di land usay dɛn bin de* nɔ bin du fɔ dɛn bikɔs ɔf dɛn animal dɛn. 8 Isɔ go de na di eria usay mawntin dɛn de na Sia.+ Isɔ na Idɔm.+
9 Ɛn dis na Isɔ in istri, we na di papa fɔ Idɔm na di eria usay mawntin dɛn de na Sia.+
10 Na dɛn wan ya na Isɔ in bɔypikin dɛn: Eda we na Isɔ in wɛf, in bɔypikin na Ɛlifaz; Basimat we na Isɔ in wɛf, in bɔypikin na Ruɛl.+
11 Ɛlifaz in bɔypikin dɛn na Timan,+ Oma, Zifo, Getam, ɛn Kinaz.+ 12 Isɔ in bɔypikin Ɛlifaz, in ɔda wɛf na Timna. Afta sɔm tɛm, Timna bɔn Amalɛk+ fɔ Ɛlifaz. Dɛn wan ya na Isɔ in wɛf, we na Eda, in bɔypikin dɛn.
13 Na dɛn wan ya na Ruɛl in bɔypikin dɛn: Neat, Zira, Shama, ɛn Miza. Dɛn wan ya na Isɔ in wɛf we na Basimat+ in bɔypikin dɛn.
14 Isɔ in wɛf we na Oolibema, we na Ena in galpikin ɛn Zibiɔn in granpikin, bɔn bɔypikin dɛn fɔ Isɔ. Di bɔypikin dɛn we i bɔn na: Jiɔsh, Jelam, ɛn Kora.
15 Na dɛn wan dɛn ya na di chif dɛn pan Isɔ in bɔypikin+ dɛn: Ɛlifaz na Isɔ in fɔs bɔypikin, ɛn Ɛlifaz in bɔypikin dɛn na: Chif Timan, Chif Oma, Chif Zipo, Chif Kinaz,+ 16 Chif Kora, Chif Getam, ɛn Chif Amalɛk. Dɛn wan ya na Ɛlifaz+ in chif dɛn na Idɔm. Dɛn ɔl na Eda in bɔypikin dɛn.
17 Isɔ in bɔypikin we na Ruɛl, in yon bɔypikin dɛn na: Chif Neat, Chif Zira, Chif Shama, ɛn Chif Miza. Na dɛn wan dɛn ya na Ruɛl in chif dɛn na Idɔm.+ Dɛn ɔl na Basimat we na Isɔ in wɛf in bɔypikin dɛn.
18 Ɛn Oolibema we na Isɔ in wɛf in bɔypikin dɛn na: Chif Jiɔsh, Chif Jelam, ɛn Chif Kora. Dɛn wan ya na Oolibema we na Eda in galpikin ɛn we na Isɔ in wɛf in chif dɛn.
19 Na dɛn wan dɛn ya na Isɔ in bɔypikin dɛn, ɛn na dɛn wan dɛn ya na dɛn chif dɛn. In na Idɔm.+
20 Sia di Ɔrayt,+ in bɔypikin dɛn we bin de na di land na: Lotan, Shobal, Zibiɔn, Ena,+ 21 Dayshɔn, Iza, ɛn Dayshan.+ Na dɛn wan dɛn ya na bin di Ɔrayt dɛn chif dɛn; na Sia in bɔypikin dɛn, ɛn dɛn bin de na Idɔm.
22 Lotan in bɔypikin dɛn na Oray ɛn Imam, ɛn Lotan in sista na bin Timna.+
23 Na dɛn wan ya na Shobal in bɔypikin dɛn: Alvan, Maneat, Ibal, Shifo, ɛn Onam.
24 Na dɛn wan dɛn ya na Zibiɔn in bɔypikin+ dɛn: Eay ɛn Ena. Dis na di Ena we bin fɛn spriŋ dɛn* we gɛt ɔt wata na di wildanɛs* we i bin de tek kia ɔf di dɔnki dɛn fɔ in papa, we na Zibiɔn.
25 Na dɛn wan dɛn ya na Ena in pikin dɛn: Dayshɔn ɛn Oolibema, we na Ena in galpikin.
26 Na dɛn wan dɛn ya na Dayshɔn in bɔypikin dɛn: Ɛmdan, Ɛshban, Itran, ɛn Kiran.+
27 Na dɛn wan dɛn ya na Iza in bɔypikin dɛn: Bilan, Zeavan, ɛn Ekan.
28 Na dɛn wan dɛn ya na Dayshan in bɔypikin dɛn: Ɔz ɛn Eran.+
29 Na dɛn wan dɛn ya na di Ɔrayt dɛn chif dɛn: Chif Lotan, Chif Shobal, Chif Zibiɔn, Chif Ena, 30 Chif Dayshɔn, Chif Iza, ɛn Chif Dayshan.+ Na dɛn wan dɛn ya na di Ɔrayt dɛn chif dɛn na Sia.
31 Na dɛn kiŋ dɛn ya rul na Idɔm+ bifo ɛni kiŋ rul di Izrɛlayt*+ dɛn. 32 Bila we na Biɔ in bɔypikin rul na Idɔm, ɛn in siti in nem na bin Dinaba. 33 We Bila day, Jobab we na Zira we kɔmɔt na Bɔzra in bɔypikin tek in ples as kiŋ. 34 We Jobad day, Usham we kɔmɔt usay di Timanayt dɛn de tek in ples as kiŋ. 35 We Usham day, Edad we na Bidad in bɔypikin, we bin win di Midianayt+ dɛn na Moab tek in ples as kiŋ, ɛn in siti in nem na bin Evit. 36 We Edad day, Samla we kɔmɔt na Masrika tek in ples as kiŋ. 37 We Samla day, Sheul we kɔmɔt Rɛobɔt we de bay di Riva tek in ples as kiŋ. 38 We Sheul day, Beal-enan we na Akbɔ in bɔypikin tek in ples as kiŋ. 39 We Beal-enan we na Akbɔ in bɔypikin day, Eda tek in ples as kiŋ. In siti in nem na bin Peu, ɛn in wɛf in nem na Maɛtabɛl, we na Metrɛd in galpikin ɛn Mizaab in granpikin.
40 Dis na Isɔ in chif dɛn akɔdin to dɛn famili dɛn, akɔdin to di ples dɛn we dɛn de, ɛn dɛn nem dɛn: Chif Timna, Chif Alva, Chif Jitɛt,+ 41 Chif Oolibema, Chif Ila, Chif Paynɔn, 42 Chif Kinaz, Chif Timan, Chif Mibza, 43 Chif Magdiɛl, ɛn Chif Ayram. Na dɛn wan dɛn ya na di chif dɛn na Idɔm akɔdin to di say dɛn we dɛn de na di land we na dɛn prɔpati.+ Dis na Isɔ we na di papa fɔ Idɔm.+