Yac Kom Orekmakihn Wo JW.ORG Contact Card Inge?

Ke srihpen lwen in ongaiyac luhlahp uh apkuhran na in sikyak, pwacnacng orekma lasr in fahkwack pweng wo uh arlacna yohk srihpac. (Soa. 24:11, 12, 20) In kahsruh mwet uh, kuht kuh in orekmakihn contact card inge in kollah nuhnak laltahl uh nuh ke Kahs luhn God ac nuh ke website lasr uh. Oasr code se ke card inge ma kol nuh ke video se inge Efuh Kom In Lutlut ke Bible?, ac oasr pac sie mwe solsol in siyuck ke kuhtuh pac mwe lutlut sahyac, kuh ke sie lutlut ke Bible. Kuhtuh mwet uh elos tiac engan in eis mwe rit nahtuhsr uh tuhsruhktuh eltahl luhngse in liye ac etuh ke website lasr uh. Nik kom ahlohloh in sang nuh seltahl sie contact card ingacn. Tuhsruhktuh, nik kom sang contact card inge nuh sin mwet suc tiac luhngse in lohng.

Ke kom oruh orekma lom ke lwen nuhkewa, kom kuh in pihrihk luhngse luhn sie mwet in lohng ke kom fahk: “Oasr ma se ma nga luhngse in usot nuh sum. Card se inge ahkkahlwemye nuh sum ke sie website ma oasr mwe lutlut pucspucs kac ac kain in video ke ma pucspucs ma wacngihn molo.” (Jn. 4:7) Ke srihpen srihklac contact card inge, pwacnacng kom kuh in us kuhtuh ke pacl nuhkewa ac sang ma inge nuh sin mwet sahyac uh.