Sang “Ma Wo” ke Kuht Paing Mwetuh (Matthew 12:35a)

Wacngihn ahlohloh kac lah kuht nuhkewa ke sang “ma wo” nuh sin mwet sahyac ke kuht “paing mwet sac nuh in lohm” sesr. (Rome 12:13) Siyuckyuck mwet elder eltahl in oakiyac mwe srihkasrak ke eltahl sang kahsruh nuh ke molin mwe wiwac luhn mwet fuhfahsryacsr suc oruh mwe sramsram ac ke eltahl kihte mwet inge. Tuhsruhktuh, sahp kuht luhman mwekihn in paing mwet sac nuh in lohm sesr ke srihpen wacngihn suhna yohrohsr, kuh sahp kuht mwekihn in usack mwet nuh in lohm sesr. Ke kuht esam pacl nuhkewa kahs in kahsruh lal Jesus nuh sel Martha ac kuh in kahsre kuht in tiac puhla ouinge. (Luke 10:39-42) El ahkkahlwemye lah “ma se ma wo” ke orekma kuhlwacng uh pa asruoki wowo ac mwe ahkkweye suc tuhkuh kac, tiac mongo puhkantwen kuh yucn wowo luhn lohm se. Ke kuht orekmakihn kahs in kahsruh inge, kuht nuhkewa kuh in sang “ma wo” nuh sin mwet lili wiyacsr, suc pa inge ma Kahs luhn God kwacfe kuht in oruh.​—3 Jon 5-8.