Kahsrelos Suc Soenna Ahkolah nuh ke Puk luhn Baibel el Luti
1. Yac mwet nuhkewa ac luhngse in eis puk inge Baibel el Luti ke pacl se meet? Ahkuhtweyac.
1 Meet liki mwet se kuh in kuhlwacnsapuh Jeova, el enenuh in lotelah ma Bible uh luti. Tuhsruhktuh, oasr mwet ma wi ke alu sayen alu luhn mwet kihristin ac elos tiac luhlahlfongi muh Bible uh pa Kahs luhn God. Oasr pac kuhtuh suc tiac na luhlahlfongi ke God ac wacngihn suhnak lalos ke Bible. Mwe rit yac kac wo in kahsrelos suc tiac luhngse in eis puk inge Baibel el Luti ke pacl se meet? Kahs in kahsruh ten inge ma tuhkuh sin mwet forfor ke muhtuhnfacl 20 sahyac.
2. Fwin sie mwet el fwahk muh el tiac luhlahlfongi ke God, meac kuht ac srihke konacack, ac efuh?
2 Elos Suc Tiac Luhlahlfongi ke God: Fwin sie mwet el fwahk muh el tiac luhlahlfongi ke God, wo in konacack lah efuh. Yac ma ke srihpen el luhlahfongi muh mwetuh oreklac sin sacko? Yac wacngihnlac luhlahlfongi lal nuh sin God ke srihpen orekma sesuwohs fwin facluh kuh kikiyacp luhn alu? Yac el muhta ke sie acn suc sruh mwetuh in alu nuh sin God? Sahp el tena arlac luhlahlfongi na pwacye muh wacngihn God, tuh el te pacna puhla muh enenuh se el in luhlahlfongi Kacl. Mwet forfor pucspucs elos konacack lah in siyuck, “Yac kom nuh na puhla ouingacn emeet me?” mokle mwet sacn in ahkuhtweyac. Lohacng ac tiac kuhnauslah sramsram lal uh. Ke pacl se kuht kahlwem kac lah efuh mwet sacn tiac luhlahlfongi ke God, kuht ac etuh lah kuht ac topkuhl fuhkah ac piyac mwe rit ma fwal kuht in sang.—Soakas 18:13.
3. Kuht ac ahkkahlwemye fuhkah suhnak nuh sin mwet se ac luhlahlfongi lal?
3 Ke kom topuk sie mwet, sensenkihn mwet sacn in tiac puhla muh kom ahkkolukye top ac fwahk lal uh. “Arlacna yohk srihpac kuht in suhnakihn sukohsohk luhn kais sie mwet in sulaclah ma elos luhlahlfongi kac. Wo in kihsen siyuck ke sie inkacnek ma oruh mwet se in nuhnak ac sifwacna konacack ma pwacye uh, liki na in kuhtanglah ke akuhkuhin se.” Kahs in kahsruh inge ma sin acn Macrike. Tukun mwet in lohm se fahkwack nuhnak lal, sie mwet liyacng suc fuhfahsryacsr el kwacna ikacslah sramsram lal uh ke el siyuck, “Yac kom nuh nuhnkuh muh sahp ma inge pwacye?”
4. Kuht ac kahsruh fuhkah mwet ke alu Buddha?
4 Nuh sin mwet ke alu Buddha, elos tiac arlac kahlwem ke luhlahlfongi luhn mwet ke God uh. Mwet forfor fwin acn Britain elos luhngse orekmakihn mwe rit se inge, Lasting Peace and Happiness—How to Find Them nuh sin kain mwet inge. Tukun elos liye muhtwacwacack ah, elos sramsramkihn ip se inge, “Is There Really a Most High Creator?” na fwah ip se inge, “A Guidebook for the Blessing of All Mankind.” Tohkoh, elos ac fwah kuh in muhtwacwacack sramsramkihn puk inge, Baibel el Luti ac fwahk nuh sin mwet in lohm sacn, “Fwinne kom tiac luhlahlfongi ke God, lutlut ke Bible uh arlac yohk srihpac mweyen oasr kahs in kahsruh kac suc kuht kuh in orekmakihn.” Sie pioneer fwin acn Macrike suc kahsruh u luhn mwet Chinese el fwahk, “Puhs sin mwet ke acn in forfor lasr uh luhngse rit. Pwacnacng mwet in lohm nge kwacna ritelah inkaiyen mwe rit kuht fihliyac yohrohlos meet liki kuht fohlohk. Tuh kuhtuh pacl uh elos tena kahlwem kac lah meac na pwacye lutlut Bible uh. Ke srihpac se inge, nga luhngse orekmakihn mwe rit inge, Pweng Wo ke muhtwacta se meet, mweyen el oreklac ke sie inkacnek ma oruh mwetuh in ke sramsram.” Sie mwet liyacng suc fuhfahsryucsr nuh ke congregation luhn mwet Chinese pucspucs fwin acn Macrike el ahkkahlwemye lah, kuht kuh in orekmakihn puk luhn Baibel el Luti ke muhtwacta se meet. Tuh, sahp wo in muhtwacwacack lutlut se ke sapta 2 suc ahkuhtweyac ke Bible, liki na sapta 1 suc sramsram ke God.
5. Efuh mongfihsracsr el yohk srihpac?
5 Pacl yohk enenweyuck nuh sin sie mwet in luhlahlfongi God, pwacnacng mongfihsracsr el yohk srihpac. Sahp pacl ekahsr kuht sramsram meet ah soenna mokle mwet se in luhlahlfongi muh oasr mwet se suc oraclah ma nuhkewa. Tuhsruhk, tukun kihtin pacl el ac kuh in akihlen lah sahp pwacye, kuh el ac kuh na in fwahk muh el kahlwem kac lah efuh sie mwet kuh in luhlahlfongi kac.
6. Meac pwacnacng wacngihn luhngse luhn kuhtuh mwetuh ke Bible?
6 Elos Suc Wacngihn Luhngse kuh Luhlahlfongi la ke Bible: Inkaiyen pacl uh, sie mwet suc kuh in fwahk muh oasr God, wacngihn luhngse lal ke ma Bible uh luti mweyen el tiac luhlahlfongi muh pa ingacn Kahs luhn God. Sahp el muhta ke sie acn ma wacngihn alu Kihristin we ac el kapsruh Bible uh nuh ke alu Kihristin kikiyacp. Kuh sahp el muhta ke sie acn etweyuck muh Kihristin tuhsruhk mwet we ngacn sruhnga alu, ac el tiac nuhnkuh muh Bible uh kuh in kahsrel. Kuht ac kahsruh fuhkah kain in mwet inge in luhngse Bible ac tohkoh kuh in eis lutlut ke puk luhn Baibel el Luti?
7. Meac sie inkacnek in puhrakack luhngse luhn mwet ke Bible?
7 Ohfuhs luhn Mwet Loh luhn Jeova fwin acn Greece fwahk, “Inkacnek se ma wo emeet in kahsruh mwet ma wacngihn luhngse la ke Bible pa in ikacslah na Bible uh ac ahkkahlwemye nuh selos koano an. Mwet forfor pucspucs elos akihlen lah pweng ke Bible uh kuh in mokle insien sie mwet, liki na ma sie mwet etuh in fwahk. (Hebrew 4:12) Ke srihpen inen God liyeyuck in Bible, ma inge kahsruh mwet pucspucs in luhngse lutlut Bible.” Ohfuhs luhn Mwet Loh luhn Jeova fwin acn India fwahk, “Ma pwacye ke moul ac misac puhrakack luhngse luhn mwet Hindu pucspucs. Oacyacpac wuhlelah luhn Bible ke sie fwacl suc wacngihnlac srisri mwet.” Ke mwet forfor elos sramsramkihn ma upac pucspucs ke acn selos, ma inge kahsrelos in ahkkahlwemye ma Bible uh fwahk ke Tohkohsrahi luhn God in ahkwoyelah ma uh.
8. Meac kuht kuh in fwahk nuh sin mwet ma kuluk nuhnak la ke Bible ke srihpen alu luhn mwet Kihristin kikiyacp?
8 Fwin nuhnak luhn sie mwet ke Bible uh kuluk ke srihpen alu luhn mwet Kihristin kikiyacp, fwahk nuh sel lah alu kikiyacp elos furohklah kalmacn Bible ac luti kac uh. Ohfuhs fwin acn India elos fwahk pac lah, “Kuhtuh pacl uh kuht enenuh in kahsruh kais sie mwet in liye lah alu pucspucs tena fahsr fwal nuh ke Bible.” Elos fwahk lah mwet Hindu elos kwacna luhngse ip ahkahkosr ke mwe rit inge, What Is the Purpose of Life? How Can You Find It? Ma inge ahkuhtweyac lah fuhkah alu kikiyacp ahkkolukye ac kuhnauslah Kahs luhn God. Sie pioneer fwin acn Brazil el fwahk nuh sin mwetuh, “Kom te srihke ahkyohkye etuh lom ke koanon Bible uh? Mwet pucspucs oruh ma inge ac tiac sa in nuhnuhnkuh Bible, weacng pac lah wacngihn ma sapkihnyuck kom in wuhlelah kuh oruh. Kom fwin srihke, kom ac kuh na in lut ke ma kom lotelah uh.”
9. Efuh kuht tiac enenuh in fuhleack fwin sie mwet el tiac ke lohng ma Bible uh luti ke pacl se meet?
9 Jeova el liye insien kais sie mwet. (1 Samuel 16:7; Soakas 21:2) El kohlma mwet suc oasr inse pwacye la nuh ke alu pwacye. (John 6:44) Puhs kain in mwet ouinge, ma soenna lutiyuck ke God kuh lotelah kuhtuh srihk na ke Bible. Orekma in fahkwack lasr uh sang finsrak se nuh selos in “moliyukla ac in ku in etu ke ma pwacye.” (1 Timothy 2:4) Pwacnacng fwin oasr mwet ma tiac luhngse in etuh ke ma Bible uh luti ke pacl se meet, tiac fuhleack! Orekmakihn sie mwe rit ma oasr ke kahs lom in puhrakack kena lalos in lohng. Sahp sie pacl kom ac kuh in sroacng nuh ke mwe rit se ma orekmakihnyuck yohk in oruh lutlut luhn Bible, ke puk se inge Mea Baibel el Luti Na Paye?
[Pohk ke sra 4]
Fwin mwet lun lohm se fwahk muh el tiac luhlahlfongi ke God, srihke ma inge:
• Siyuck sel, “Yac kom nuh na puhla ohingacn emeet me?” in konacack lah efuh.
• Fwin el sie mwet ke alu Buddha, orekmakihn mwe rit inge Lasting Peace and Happiness—How to Find Them, sra 9-12.
• El fwin luhlahlfongi muh mwetuh oreklac sin sacko, kuhfa inge kuh in kahsrel:
Mwe lutlut luhn Awake! inge “Was It Designed?”
Video inge, The Wonders of Creation Reveal God’s Glory
Mwe rit suc oasr sra 32 kac, ip ahkahkosr ke A Satisfying Life—How to Attain It; Was Life Created?; ac The Origin of Life—Five Questions Worth Asking
• Fwin wacngihnlac luhlahlfongi lal sin God ke srihpen orekma sesuwohs ac mwe keok el liye, kuhfa inge kuh in kahsruh:
Puk inge, Is There a Creator Who Cares About You?, sapta 10
Mwe rit suc oasr sra 32 kac, mwe lutlut ahkonkohsr ke Does God Really Care About Us?, ac ip ahkonkohsr ke What Is the Purpose of Life?
• Sroacng nuh ke puk luhn Baibel el Luti pacl se ma mwet in lohm el muhtwacwacack in nuhnkuh muh sahp oasr God se. Sahp wo in muhtwacwacack ke sapta ahkluo kuh sie pacna sihfac ma fwal nuh sel.
[Pohk ke sra 5]
Srihke ma inge fwin mwet lun lohm el tiac luhlahlfongi ke Bible:
• Orekmakihn sapta 17 ac 18 ke puk inge, Life—How Did It Get Here? By Evolution or by Creation?
• Nuh sin mwet ke alu Hindu, orekmakihn mwe rit suc oasr sra 32 kac inge Why Should We Worship God in Love and Truth?
• Nuh sin mwet ke alu Jew, orekmakihn mwe rit inge Will There Ever Be a World Without War?, sra 3-11.
• Sramsramkihn ma wo tuhkuh ke kuht fahsr fwal nuh ke mwe luti pwacye suc tiac eklac ke Bible. Kuhfa kom kuh in orekmakihn in ahkkahlwemye nuh sin mwet ke mwe luti sacohk lun Bible uh pa:
Mwe lutlut luhn Awake! inge “Help for the Family”
Video inge, The Bible—Its Power in Your Life
Mwe rit suc oasr sra 32 kac, mwe lutlut 9 ac 11 ke Pweng Wo Sin God Me!; sra 22-26 ke A Book for All People, ac ip ahkluo ke A Satisfying Life—How to Attain It
Nuh sin mwet ke alu Buddha, orekmakihn mwe rit inge The Pathway to Peace and Happiness, sra 3-7.
Nuh sin mwet ke alu Muslim, orekmakihn mwe rit inge Real Faith—Your Key to a Happy Life, ip ahktolu.
Fwin kom forfor ke sie acn ma sruhngacyuck Bible, sahp wo in tiac sa ahkkahlwemye sropon kahs lahlmwetmwet kom us an nwe ke kom fohlohk muhtwacta pacl ekahsrlac tari.
• Ahkuhtweyac lah fuhkah kahs pahluh in Bible ahkpwacyeyuck tari. Kuhtuh kuhfa kom kuh in orekmakihn pa:
Video inge, The Bible—Accurate History, Reliable Prophecy
Mwe rit suc oasr sra 32 kac, A Book for All People, sra 27-29
• Sroacng nuh ke puk luhn Baibel el Luti ke pacl se na el kihsen siyuck ke ma Bible uh fwahk ke kais kuhtuh sihfac.
[Pohk ke sra 6]
Fwin mwet in lohm el fwahk: “Nga tena luhlahlfongi ke God,” kom kuh in fwahk:
• “Nga kuh in sruhmuhn nuh sum lah meac kahsreyuc nga in luhlahlfongi muh pwacye oasr mwet se oraclah ma nuhkewa?” Na kom ahkkahlwemye kuhtuh ma yohk srihpac ke puk luhn Reasoning, sra 84-86, kuh oraclah oakwuck in sang sie mwe rit suc kom engan in riti nuh yohrohl.
• “Tuh fwin muh oasr God se, kain in God fuhkah se kom ke in el uh?” Inkaiyen mwet in lohm uh elos ac fwahk muh elos ac puhla fototo nuh sin sie God suc oasr ohiyac luhn luhngse, suwohswohs, ac pahkotwen, sie suc tiac srisri mwet. Sang el in liye ke Bible lah oasr kain in ohiyac inge nuhkewa sin God. (Sahp kom ac kuh pac in orekmakihn sapta se meet ke puk luhn Baibel el Luti, muhtwacwacack ke paragraph 6.)
Fwin mwet in lohm se el fwahk: “Nga tiac luhlahlfongi ke Bible,” kom kuh in fwahk:
• “Arlac puhs mwet suc nuhnkuh oacna kom. Kuhtuh selos nuhnkuh muh Bible uh tiac kuh in ahkpwacyeyuck sin science kuh mwe luti ke Bible uh wacngihn srihpac nuh sesr. Nga kuh in etuh fwin kom nuh riti tari Bible uh? [Lwelah elos in top. Tohkoh, ahkkahlwemye kahs in muhtwacwacack ke sra 3 luhn mwe rit inge A Book for All People, ac sang mwe rit sacn nahtuhl.] Mwet pucspucs tiac luhlahlfongi ke Bible ke srihpen alu pucspucs elos furohklah luti kac uh. Fohlohk se tok uh, nga ke sramsramkihn puhpuhlyuck se ke sra 4 ac 5.”
• “Mwet pucspucs elos nuhnkuh oacna kom. Nga kuh in ahkkahlwemye nuh sum sie ma nga luhngse ke Bible uh? [Riti Job 26:7, suc ahkkahlwemye lah Bible uh fwal nuh ke science.] Oasr pac kahs lahlmwetmwet ke Bible in kahsruh sucu. Fohlohk se tok uh, nga ke ahkkahlwemye sie puhpuhlyuck kac uh nuh sum.”
• “Kuloh ke kom fwahk nuh sihk uh. Fwin pwacye God el suhmuhslah puk se nuh sin mwetuh, meac kom nuhnkuh muh el ac fwahk?” Na kom ahkkahlwemye nuh sin mwet sacn sie kahs in Bible ma insese ke top lal an.