Ma Wo Suc Sikyak
◼ Acn Australia: John, sie mukul suc yohk etwacack la, el wi alu lal ke el tuhlihk tuh tok el “sie mwet suc wacngihn na pwacye luhlahlfongi la muh oasr God.” Sie mwet pioneer el likiyac mwe rit inge Was Life Created? yohrohl ac ke el fohlohk ke sie pacna pacl el fihliyac mwe rit inge Origin of Life. Pioneer inge el tahfwelah in ahkyohkye kena lal John ke el utuhk mackuhsin sasuc ac ahkkahlwemye mwe lutlut ke kahs pahluh in Bible kuh ma oreklac. Ke pacl se el liye muh John el ahkolah, el sang nuh sel puk inge The Bible—God’s Word or Man’s? Tukun el riti, John el muhtwacwacack in nuhnkuh kacl sifwacna oacna “sie mwet suc sahp kuh in luhlahlfongi muh pwacye oasr God se.” Tohkoh, pioneer se inge el ahkkahlwemye puk luhn Baibel el Luti, ke paragraph 8 sra 23, ac paragraph 13-16 sra 26-27. Fuhs ma ahkkahlwemyeyuck ke puk inge moklel John na pwacye el in fwahk, “Sahp nga enenuh in sulpac nuhnkwelah ahkwoyac ke koanon Bible uh.”
◼ Acn Mexico: Mukul se fwahk nuh sin mwet forfor se muh el tiac luhlahlfongi muh Bible uh tuhkuh sin God me. Mwet forfor sac siyuck fwin el kuh in ahkkahlwemye nuh sel mwe ahkpwacyeye lah Bible uh tuhkuh yac me. Tukun sramsram ekahsr lalos, ma mukul sac lutlutkihn ke Bible muhtwacwacack in sun insiacl. Yohk na ke el etwacack ma luhngse luhn God. El fwahk nuh sin mwet forfor sac: “Meet ke kuht tuhkweni riti Bible uh, el oacna kahs in kahsruh ke puk nuhkewa sahyac ac wacngihn kalmeyac nuh sihk. Tuh ingena ke kuht ac riti uh, yohk na kahs in kai ke orekma fohkfohk, ngal insiyuck kac.”
◼ Acn Macrike: Ke elos wi fahkwack pweng wo in siti luhlahp, siyacnyacn se sun muhtwacn Taiwan se su luhlahlfongi ke God tuhsruhk puhla muh Bible uh ma nuh sin mwet Macrike muhkwena. Fwinne yohk mani lal, el som nuh ke tepuh kuh nien puk lalos mweyen el puhla muh tuhlac moul lal. El finsrak muh Bible uh ac kuh in kahsrel konacack srihpen moul lal uh. Siyacnyacn sac muhtwacwacack lutlut Bible yohrohl ke puk inge Baibel el Luti, weacng mwe rit inge Lasting Peace and Happiness—How to Find Them. Elos te sa oruh sapta 2 ke puk inge, tuhsruhk elos sramsramkihn ip se ke mwe rit inge “A Guidebook for the Blessing of All Mankind.” Tukun elos oruh paragraph ohnkohsr emeet ye ip sac, muhtwacn sac ahkkahlwemye luhpan fwefwelac lal ke siena luhn Bible liki puk luhn alu sahyac. Tukun el liye kais kuhtuh kahs pahluh suc ahkpwacyeyuck tari, el fwahk, “Wacngihn kuhtwena puk nga etuh muh pwacye oacna Bible!”
◼ Acn Japan: Fwinne mwet in lohm se fwahk nuh sin mwet forfor se muh el tiac luhlahlfongi ke God, mwet forfor se inge el tiac fuhleack in fahsrel ac ahkkahlwemye mwe lutlut luhn Awake! inge “Was It Designed?” Kais kuhtuh na, mukul se inge insese muh sahp oasr mwet se suc oraclah ma nuhkewa. Ingena el luhlahlfongi muh oasr God se, ac mwet forfor sac ingena lutlut nuh sel ke mwe rit inge Pweng Wo Sin God Me!
◼ Acn Canada: Ke sie muhtwacn el tufoki liki lohm sel in sroacng nuh ke stosah ukacl, ituckyang nahtuhl mackuhsin sasuc se sin muhtwacn lili se. Muhtwacn lili sac sulpac fohlohk tok tuh muhtwacn sac arlac tu kuh ke fwahkyac lah el tiac ke lohng ac el tiac luhlahlfongi ke God. Muhtwacn lili sac tiac fuhleack, tuh el sulpac fohlohk ac us mwe rit inge A Satisfying Life—How to Attain It. Ke muhtwacn lili sac sun muhtwacn sac lohm sel ah, el fwahk nuh sel lah fwinne el etuh muh muhtwacn sac tiac luhlahlfongi ke God, el arlac nuhnkacl mweyen muhtwacn lili sac etuh lah el sie ninac suc wacngihn mukul tuhma. El ahkkahlwemye nuh sin muhtwacn sac paragraph 6 sra 4 ke mwe rit sac,suc ahkuhtweyac lah kahs in kahsruh oasr oyac. Tohkoh el ahkweye muhtwacn sac in riti kahs in kahsruh ye mwe lutlut ahkluo in tuhfahlah tuhlihk. Muhtwacn sac arlac engan in eis mwe rit sac.