Kafweang in Yokelik ke Lungse
“A fwafwasryesr in lungse, oana Kraist el ouyepa lungse komwos.”—EFESUS 5:2.
1. Mea Jisus el fwak ke oiya mwomwo lun met tuma lutlut lal su arlana yok sripe?
OREKMA in luti peng mwo lun Togusrai lun God sie loom nu ke loom pa inge orekma lun Met Lo lun Jeova su arlana eteyuk sin met puspus. Tusruktu, Kraist Jisus el akkalemye ke sie oiya mwomwo lun met Kristian oana me akul paye lun met tuma lutlut lal. El fwak: “Sie masap sasu Nga sot nu sumwos, tu komwos in lungsumwos sie sin sie; aok oana Nga lungsik komwos, tu komwos in ouyepa lungsumwos sie sin sie. Ke ma se inge met e nu kemwa fwa etu tu komwos met tumuk lutlut, komwos fwin lungsumwos sie sin sie.”—Jon 13:34, 35.
2, 3. Me akkeye fuka ke lungse lasr oana met lili ku in oru nu selos su wi ke meeting lasr ke congregation?
2 Lungse lun met Kristian paye wangin ma oana inmasrlon met lun fwalu. In oana ke sie magnet el ku in esani mwusra puspus in tukeni nu sie, lungse el oru met kulansap nukewa lun Jeova in oasr inse sefwanna a oru met puspus elos in wi ke alu paye. Ke sie me pupulyuk, nunku kel Marcelino, sie met su muta fwin an Cameroon su kunla mutal ke niyen orekma lal. Tokin ma upa se ma sikyak nu sel inge, oasr kaskas kikiap su fwak mu mutal kunla ke sripen el sie met enutnut. Pasto a met puspus saye ke alu lal elos tia akkeyel, a elos sisella liki surs ku alu lal inge. Ke pal se oasr sie Met Lo lun Jeova solel in wi ke sie meeting, Marcelino el inse luo in eis me solsol se inge. El srunga met in sifwil pulesrel.
3 Tusruktu Marcelino el arlana lut ke ma sikyak ke Kingdom Hall. Met nukewa ke congregation paingul, a el eis me akkeye ke me luti paye lun Baibel su el long ka. Tokin ma inge el mutawauk in wi ke meeting nukewa lun congregation, el kapkapek ke lutlut lal ke Baibel, a el eis baptais in yea 2006. Ke pal inge el fwakak ma paye nu sin sou lal a met tulan lal a el oru lutlut lun Baibel nu sin met puspus. Marcelino el lungse met puspus su el oru lutlut Baibel nu se in pulakin pa kain in lungse su el pula inmasrlon met kulansap lun God.
4. Efu ku kut enenu in akos kas in kaifwe lal Poul in “fwufwasryesr in lungse”?
4 Kain in lungse inge oana met lili el me akkeye mwomwo nu sin met puspus, a kut enenu in karungin oiya mwomwo inge ke ku lasr kewa. Srike nunku ke sie e su furur ke fong, su oru met puspus in tuku nu ka in akfwosrfwosryelos. Fwin metu elos tia sang etong nu ka, e se inge fwa kunla. Ke inkanek ouinge, lungse mwomwo ke congregation fwa munasla fwin kais sie sesr oana met Kristian tia kafweang in akkeye ma inge. Kut ku in oru fuka ma inge? Met sap Poul el topuk: “A fwufwasryesr in lungse, oana Kraist el ouyepa lungse komwos a el sifwana esalmu kas, me sang a me kise nu sin God ke keng a fwol mwo.” (Efesus 5:2) Kusensiyuk se su kut lungse in nunku yok ka pa, Ke inkanek puspus fuka nga ku in orekmakin in fwufwasryesr in lungse?
“Komwos Fwa Ouyepa, Yokelik”
5, 6. Efu ku Poul el kaifwe met Kristian in an Korint elos in “yokelik”?
5 Nu sin met Kristian in an Korint in pal meeta, met sap Poul el simusla: “Oalusr mangelik nu sumwos, O met Korint, insiesr yokelik. Komwos tia tingtingi in kut, a komwos tingtingi in insiomwos sifwana. Inge tu in moli in kain sana, nga kaskas oana nu sin tulik nutik, komwos fwa ouyepa yokelik.” (2 Korint 6:11-13) Efu ku Poul el kaifwe met Kristian in an Korint elos in yokelik in lungse?
6 Lela kut in kalweni la fuka congregation fwin an Korint el oakiyuki. Poul el tuku nu Korint ke saflaiyen yea 50 C.E. Ke pal se meet el oru orekma in luti peng mwo in an se inge, oasr kutu met su lainul ka, tusruktu met sap se inge el tia fuleak a tia tui. Ke lusen pal fototo, oasr met puspus ke siti se inge su lulalfongi ke peng mwo. Ke lusen “sie yea a malem onkosr,” Poul el kafweang in orekmakin ku lal a pal lal in luti peng mwo a in akkeye congregation sasu inge. Kalem la, oasr lungse yok lal nu sin met Kristian nukewa fwin an Korint. (Orekma 18:5, 6, 9-11) Oasr sripe mwomwo lalos in akkalemye lungse a sunak nu sel. Tusruktu, kutu sin met lili ke congregation elos som lukel. Saap oasr kutu selos su srunga kas in kai lal. (1 Korint 5:1-5; 6:1-10) Kutu selos saap loang ke kaskas kikiap lun “met sap fulatlana” puspus. (2 Korint 11:5, 6) Poul el lungse met lili nukewa inge in lungsel. Ke ma inge el kafwelos in “yokelik” ke elos akfototoyelos nu sel a nu sin met lili puspus saye.
7. Kut ku in “yokelik” ku kapek fuka in akkalemye lungse nu sin met lili nukewa?
7 Na mea nu sesr ke pal inge? Kut ku in “yokelik” ku kapek fuka in akkalemye lungse nu sin met lili nukewa? Met puspus su oana sie matwelos ku oana sie sruf lalos saap fusrasr nu selos in akkalemye lungse nu sin sie sin sie. A nu selos su oana sie me akengun elos lungse in oru, elos lungse in asrouki nu sin sie sin sie pal nukewa. Tusruktu fwin ma puspus su kut lungse in oru el siena liki ke ma met Kristian wiyesr elos lungse in oru, ke ma inge kut enenu in “akyokyelik.” Arlana mwo kut in siyuk sesr sifwana: ‘Ya nga suke wi ke orekma in luti peng mwo ku suke asrouki yurin met lili ke congregation, a nga lungse na in wi pal nukewa ke u se su nga lungse? Ke Kingdom Hall, ya nga tia arlana asrouki yurin met sasu meyen nga nunku mu elos enenu in akpayeye meet la elos fwal in kawuk nu sik? Ya nga paing met matou a met fwusr ke congregation?’
8, 9. Fuka kas in kasru lal Poul su simusyukla in Rom 15:7 kasre kut in akyokye ku akkeye lungse lasr oana met lili?
8 Ke orekma in paing sie sin sie, kas lal Poul nu sin met lili fwin an Rom ku in kasre kut in akkeye sie nunak mwomwo ke met lili wiyesr. (Ridi Rom 15:7.) Kas Grik se su lungasyukla nu ke kas se inge “paing” el kalmekin “in eis ke kulang, sie u el insemwomwo in paing a in kawuk nu sin sie met.” Fwin sie met kulang in pal meeta su akkalemyeyuk in Baibel el paing sie met in lom sel, el fwak nu selos la el engan na paye in liyelos. Ke kas in pupulyuk, Kraist el paing kut ke oiya inge ke congregation, a el kaifwe kut in etawel in paing met lili wiyesr.
9 Ke kut paing met lili wiyesr ke Kingdom Hall a ke an saye, kut ku in orekmakin pal lasr in sramsram nu sin met lili su kut tia liye ke len puspus somla, ku nu selos su kut suka sramsram nu se. Efu ku kut tia oru in oasr kitin pal lasr in sramsram nu selos? Ke meeting lasr toku, kut ku in oru pa ma inge nu sin met lili saye. Tia pat, kut fwa ku in engan in sramsram nu sin met lili nukewa wiyesr ke congregation. Lela kut in tia suparla ku alolo kut fwin ne tia ku in sramsram nu sin met lili nukewa ke len sefwanna. Wangin kutena met fwa aktukulkulyeyuk kut fwin tia ku in paing nu selos ke kais sie tukeni lasr.
10. Kain in pal mwomwo fuka oasr yurin met nukewa ke congregation? A fuka kut ku in orekmakin pal mwomwo inge?
10 Kut fwin fwak lotu mwo ku len mwo nu sin met lili puspus, pa inge step se meet in paing elos. Pa inge step su kol nu ke me sramsram mwomwo a in orala kawuk mwomwo nu sin sie sin sie. Ke sie me pupulyuk, ke pal se met su wi ke toeni lulap akkalemyelos sifwana nu sin met lili saye a mutawauk in sramsram nu sin sie sin sie, elos fwinsrak a engun in sifwilpa liye sie sin sie ke siepa pal. Met lili puspus su wi ke orekma in musa Kingdom Hall a elos su wi ke orekma in sang kasru nu sin met lili su sun ongoiye elos ekla met kawuk mwomwo. Meyen elos lotela ke oiya mwomwo lun sie sin sie ke elos tukeni oru orekma lalos. Oasr pal mwomwo in akkeye oiyen kawuk inmasrlon met lili puspus ke u lun Jeova. Kut fwin akkalemye lungse nu sin kain in met lili nukewa, pus selos fwa ekla met kawuk lasr.
Orekmakin Pal nu sin Met Lili Puspus
11. In oana ke ma akkalemyeyuk in Mark 10:13-16, me srikasrak fuka Jisus el akkalemye?
11 Met Kristian nukewa elos ku in kafweang in kulang a mwo oiya, oana Jisus in pal meeta. Esam ke oiya mwo su Jisus el akkalemye ke pal se met tuma lutlut lal elos srike in tulokinye papa a nine puspus su us tulik natulos nu yurol. “Lela tulik fwusr in tuku nu yuruk,” el fwak. “Nik komwos ikololosi, tu togusrai lun God ma lalos su ou elos.” Na “el sruklalosyuk in paul, a akinsemwomwoyelos, ke el filiye paul nu fwelos.” (Mark 10:13-16) Aok met fwusr inge elos arlana insemwomwo ke sripen Met Luti Lulap se inge el akkalemye kulang a lungse nu selos!
12. Mea sripe paenang wangin pal lasr in sramsram nu sin met lili?
12 Kais sie met Kristian elos enenu in siyuk sel sifwana, ‘Ya oasr pal luk nu sin met lili puspus, ku wangin pal luk in sramsram a asrouki nu selos?’ Kain in oiya puspus ku orekma puspus tia koluk tusruktu ma inge ku in paenang kut in tia sramsram nu sin met lili. Ke sie me pupulyuk, kut orekmakin cell phone pal nukewa, ku kut orekmakin earphones ke kut long ke pusran on fwinne oasr met lili puspus wi kut, elos ku in nunku mu kut srunga in asrouki a sramsram nu selos. Fwin met lili elos liye la kut arlana kafofo in orekmakin computer srisrik ku cell phone in orek text, elos ku in nunku mu kut srunga pa in sramsram nu selos. Paye la oasr “pal in misla.” Tusruktu kut fwin oasr inmasrlon met puspus, pa inge “pal in kaskas.” (Ekklisiastis 3:7) Kutu met saap elos fwak, “Olutu, nga tia arlana lungse in sramsram nu sin kutena met.” Tusruktu, kut fwin kulang in sramsram nu sin met lili fwinne kut tia arlana engan in oru el sie me akpayeye ke lungse su “tia suk ma lal sifwana.”—1 Korint 13:5.
13. Kain in nunak fuka sin met lili wiyesr Poul el akkeyel Timote elan akkalemye?
13 Poul el akkeyel Timote, sie met fwusr, in akkalemye sunak nu sin met lili nukewa ke congregation. (Ridi 1 Timote 5:1, 2.) Kut enenu pa in akkalemye sunak nu sin met lili matou wiyesr, oana papa a nine, a met fwusr oana tulik wiyesr, su oana tumalel a tamtael wiyesr. Fwin oasr yurosr kain in oiya se inge, met lili nukewa elos fwa arlana engan in tuku nu yurosr a asrouki nu sesr.
14. Me akkeye fuka tuku ke sramsram mwomwo nu sin met lili puspus?
14 Ke kut oru sramsram mwomwo, kut akkeyelos ke lulalfongi lalos, a kut kasrelos in engun a insemwomwo. Oasr sie brother su orekma ke branch ofus el srakna esam ke met lili matou puspus su orekma pa ka elos sramsram nu sel ke el tufwana mutawauk orekma ke Bethel. Kas mwomwo lalos akkeyel na paye meyen el pulakin mu met nukewa ke Bethel lungsel na paye. Ke pal inge el srike in etawelos in sramsram pa nu sin met lili su orekma pa in Bethel.
Inse Pusisel el Kasre Kut in Orek Misla
15. Mea akkalemye la ma upa a akukuin ku in sikyak pa nu sesr?
15 Oasr sister luo su pangpang Euodia a Syntyche, fwin an Filippai in pal meeta, oasr ma upa sikyak inmasrlolos a upa nu selos in aksumwosye. (Filippai 4:2, 3) Poul a Barnabas elos akukuin yok, a ma inge eteyuk pa sin met lili puspus, a pa inge sripe paenang elos fwasr liki sie sin sie. (Orekma 15:37-39) Me sramsram inge akkalemye la oasr pal ma upa a akukuin ku in sikyak inmasrlon met Kristian paye. Jeova el orala akwuk mwomwo in kasre kut in aksumwosye ma upa a in sifwilpa akmwoye oiyen kawuk nu sin met lili. Tusruktu oasr ma se su el siyuk sesr in oru.
16, 17. (a) Efu ku inse pusisel el arlana yok sripe in aksumwosye ma upa? (b) Fuka inkanek su Jekob el oru nu sel Iso el akkalemye la inse pusisel arlana yok sripe?
16 Srike lumala ke nunak lom la fwin kom a sie met kawuk lom akola in kasrusr ke soko sitosa in som nu ke sie an. Meet liki kom mutawauk in kasrusr, kom enenu in isongye key nu ke ignition a akosak engine ke sitosa. Oasr pa ma eneneyuk in orekmakin key in aksumwosye sie ma upa. Key se inge pa oiyen inse pusisel. (Ridi Jemes 4:10.) In oana ke ma akkalemyeyuk ke me srikasrak puspus ke ma Simusla, key se inge el ku in kasru met su oasr ma upa sin sie sin sie in mutawauk in orekmakin akwuk fulat lun Baibel.
17 Iso el arlana toasr ke sripen tula sumwos lal ke mwuonse lal nu sin fak se wiyel, pangpang Jekob, paenang el lungse in unilye. Tokin yea 20 met luo inge apkuran in sifwilpa osun sie sin sie, paenang “Jekob el arlana sangeng a toasr.” Meyen el nunku mu Iso el fwa onel a orek lokwalok nu sel. Tusruktu ke elos osun sie sin sie, Jekob el oru ma se su Iso el tia nunku mu tulik mokul se wiyel inge el ku in oru. Aok, Jekob el “epasr nu in foko” ke el apkuran nu yurin met lel. Mea sikyak toko? “Iso el kasrusr in sonol, a kaukulmu, a keyung nu ke kaiwel, a ngokmutal, a eltal tung.” Ke sripe se inge elos tia anwuk sie sin sie. Inse pusisel lal Jekob sang kasru in akwanginyela kutena nunak in mulat ku toasr lal Iso nu sel.—Genesis 27:41; 32:3-8; 33:3, 4.
18, 19. (a) Fwin oasr ma upa sikyak inmasrlolos, efu ku arlana yok sripe kut in orekmakin kas in kasru lun ma Simusla? (b) Efu ku kut tia enenu in fuleak fwin sie met el tia lungse in aksumwosye ma upa ke pal na sa?
18 Baibel el akkalemye ke kas in kasru mwomwo la fuka in aksumwosye sie ma upa. (Mattu 5:23, 24; 18:15-17; Efesus 4:26, 27)a Tusruktu, kut fwin tia inse pusisel in orekmakin kas in kasru inge, arlana upa in orek misla. Kut fwin sano na sie met lili elan akkalemye inse pusisel nu sesr, tia pa inge inkanek mwo in aksumwosye ma upa meyen kut ku in akkalemye pa inse pusisel, su key in aksumwosye ma upa.
19 Fwin kafweang lasr in orek misla nu sin met lili ke pal se meet el tia orala fwako mwo, kut tia enenu in fuleak. Met sa saap el enenu pal in akmwoye nunak a pulakin lal. Tumalel puspus wiyel Josef elos oru ma koluk nu sel. Meet liki elos sifwilpa liyel, oasr pal loeloes somla tari, a ke pal se ingo el met lulap tari fwin an Ijipt. Tusruktu, ke pal se inge elos ekulla tari insielos a kafweang in siyuk ke nunak munas. Josef el nunak munas nu selos, a tulik natul Jekob elos puseni a ekla sie mutunfwal su eis kunokon mwomwo lalos in us a orekmakin inen Jeova. (Genesis 50:15-21) Kut fwin kafweang in orek misla nu sin met lili wiyesr nukewa, kut sang kasru nu ke inse sefwanna a engan lun congregation.—Ridi Kolosse 3:12-14.
Lela Kut in Akkalemye Lungse in “Orekma a in Paye”
20, 21. Me lutlut fuka kut ku in lotela ke orekma lun Jisus in tanla niyen met sap nukewa lal?
20 Meet liki el mise, Jisus el fwak nu sin met sap puspus lal: “Nga asot nu sumwos sie me srikasrak, tu komwos fwa ouyepa oru oana Nga oru nu sumwos.” (Jon 13:15) El tufwana tari in tanla niyen met sap 12 lal. Ma Jisus el orala el yok liki fasin ku sie orekma in kulang su orek in an se inge. Meet liki Jon el simusla ke orekma lun Jisus ke el tanla niyen met sap lal, el simusla: “[Jisus] el nu lungsel met sral su oasr fwalu, el lungsel elos nu ke safla.” (Jon 13:1) Aok lungse lal nu sin met tuma lutlut lal pa moklel Jisus elan oru sie orekma su met kulansap mukena oru. Inge elos enenu in etawel in oru me kulang nu sin sie sin sie. Aok, lungse paye oana sie met lili akkeye kut in akkalemye nunak mwomwo a kulang nu sin met lili wiyesr nukewa.
21 Ke pal se Mwen nutin God tanla niyel Piter, met sap inge el kalem na paye ke kalmeyen ma Jisus el oru inge. El simusla: “Meyen komwos aknasnasye ngunumwos ke akosten lomwos nu ke ma paye, nu ke lungse paye nu sin met lili, komwos in lungse sie sin sie ke insiomwos ma lulap.” (1 Piter 1:22) Met sap Jon, su Leum el tanla pa niyel, el simusla pa ouinge: “Tulik srisrik nutik, lela kut in tia lung in kas ku ke loa; a in orekma a in paye.” (1 Jon 3:18) Aok lela kut in akpayeye ke orekma lasr la kut lungse met lili wiyesr nukewa.
[Footnote]
a Srike liye buk se inge Akwuk in Oru Ma Lungse lun Jeova, ke kas English, sra 144-150.
Ya Kom Esam?
• Ke inkanek puspus fuka kut ku in kapek ku “yokelik” ke lungse lasr nu sin sie sin sie?
• Mea fwa kasre kut in oasr pal mwomwo nu sin met lili puspus?
• Efu ku inse pusisel el yok sripe kut fwin lungse in orek misla?
• Mea ku in akkeye kut in karungin a nunku yok ke met lili wiyesr?
[Picture on page 23]
Paing met lili nukewa
[Picture on page 25]
Orekmakin pal mwomwo nukewa in sramsram a asrouki nu sin met lili puspus